今年聖誕依然冇聖誕廢物~ 而呢兩日聖誕紅假我都係屋企hea過... 體驗隱青既生活~
係呢兩日入面, 睇左雷霆喪星同赤壁, 之後我對於呢兩套戲, 各有一個感想&一個共通點
雷霆喪星:除左爆粗之後,內容方面唔多清楚 (之後睇返簡介先知道...) 赤壁:場面好混亂,吳宇森繼續玩白鴿 共通點:好彩都冇去戲院睇,賺左 ^^
今晚英超開快車,又可以連續幾日睇波,兼且唔駛挨眼訓~ 聽朝起身做功課,之後要補習,補完去打機,夜晚要練波 一係足不出戶,一係玩到盡, 呢個係我個宗旨
組Band註定難,我已經習慣
今日高山青龍正式成立!! 不過表演唔多算順利... 包括個咪冇聲、唱錯1,2句歌詞等等 但係整體上尚算滿意~
起碼滿足左上台表演既希望: "係QC最後一年,咩都玩盡佢" 而為左今次表演,早在一個月之前就已經開始練習, 成果都算唔錯,本來唱單車個時係有動作配合, 不過我覺得好似個傻仔咁,所以今朝臨時取消左~
表演完之後,我同林英、jacky出左荃灣打機慶祝一下, 打到3點幾就走,成個人都好攰, 連下晝都冇食到...返到屋企hea多陣就食dinner, 簡直係廢寢忘餐
最後,我在此宣佈: 今日高山青龍正式解散!!
今日又去左踢學界, 朝早6點25分起左身, 之後7點幾出到荃灣, 順道幫個細路仔買旗
我對於今次比賽又感到十分不滿!! 因為要去到屯門,,而且比返學仲要早起身 =3=
今屆學界比賽第1場比賽既敗仗, 就係敗係我度...呵呵 [敗波仔]
踢完之後同埋河田、輝哥去左荃灣打機, 打到1點就走 (冇晒錢)
返到屋企又hea
