今日要開始趕功課, 我個時間表係下晝做經濟, 夜晚做英文, 因為我個時間表冇定朝早, 所以今朝無聊睇左蜘蛛俠3
而家時間表已經實行左一半, 差英文未做, 同埋我都唔知英文作咩好
用中文作完再翻譯, 我驚係中式英文; 一開始用英文作, 我又驚文法唔岩, 真係好煩...
聽日同後日都要補足成日課 @@ 我想訓,但係又學唔到野,唉...
今日係屋企好悶, 睇左一集開心主流派同幾頁書
夜晚同左馬生去跑步, 跑完步返黎, 我家姐一見到我係門口, 嗱嗱聲登入佢自己個AC, 我話"我要做功課" 之後再話: "算啦,反正唔係聽日交,你用啦" 但係佢話我"扮大方" 我想爆粗鬧佢!!
算~ 到夜晚用,佢又話我唔係做功課囉, [[[我都話左唔做啦]]] 我想爆粗鬧佢!!x2
我阿媽話當笑話囉, 駛乜發脾氣, 但係我唔覺得好好笑
今朝十點半起左身睇小新, 不過係重播,好過冇~ 睇完之後再訓多1粒鐘先至捨得起身
跟住自己煮麵食, 過多一陣就同小彤去左還書AND借書, 我地去到先知, 原來圖書館係星期日早閂門, 之後我地好快就借書, 我比較鐘意用自助借書機, 但係個部機HAND HAND地, 我最終都係要去櫃檯借 =3=
返到屋企就睇波, AC頭20分鐘就輸3比0... 因為我掛住睇波, 所以改左聽日先跑步~
今日咩功課都冇做到... 我好懶~.~
