講返尋日先啦...昨天是{年初二}呀~訓到好晏呀~到左4點到就開始有人黎了,咁我就是但換件衫啦~d人陸續咁到,姑姐都話分批時間黎都係等於一齊黎~跟住d利是係咁收,哈~之後坐低同d表姐吹下水咁,好好笑,由其係星爺!!個個仍然都話我H.P...NO!!SOHO都黎左,佢做左代表咁濟~6點到,就跟住左大姑姐佢地搭車出[黃大仙]..~7點幾到出到去,上到大姑姐屋企,就開部電腦黎玩下啦~夜少少就睇果個咩[智能叛變],不錯~之後10點果陣,等Y.K表哥放工..等的途中,三表姐同家輝返左黎~之後有咩[森魔]做....睇左一陣~

           等到Y.K上黎&食埋飯,之後就同佢一齊走啦,上左佢屋企,係隔離座咋-3-~上到去,沖埋個涼,之後又玩下電腦啦,{慢}到爆,佢都想換了~又玩下佢部W550i...哈,好玩,好滿足!!~到左今日啦...今朝唔知點解好早就起身嚕,10點到啦~搞掂哂d野就同Y.K佢出去啦..去左[新蒲崗]到食早餐啦...好多餐廳鋪頭都無開~食完野之後,就上返去大姑姐屋企~之後就搵到姑丈啦...佢就帶我落去~去到佢部電單車到,哈,尋晚叫佢兜我一轉[[黃大仙]]...佢應承呀,真難得~頭盔都{戴}左好耐...~開車啦,第一段直落就開到好行了...嘩,好大風~圍住[黃大仙]兜啦...去到[竹園]斜位慢慢上,一路上一路掟彎,好爽..跟住去到[[龍翔道]]果條直路....WOOOOOOO!! 途中個頭盔差D飛出黎...~返番上去啦...三、四&五表姐都問我姑丈首車HIGH唔HIGH,哈~

          在她屋企HEA...1點幾就同四&五表姐,Y.K搭地鐵去[觀塘]啦...我同Y.K就去[APM]買飛啦...佢地兩個就去食野了~睇[[霍元甲]]呀..諗住睇2點幾的,最後改左4點,因為無位呀~買完飛之後,就係商場都行啦,好大~去左[MJ]行,真係好大呀,半層!!~跟住周圍行行行...接住就落果個[觀塘商場]都行,個型好似[信和]囉...好多鋪頭又係收左~最後係買左4隻老FAN~之後諗住去[倉],點知又無開,唉~3點幾到啦,去返[APM]...等入場,途中個頭開始痛痛地!~入得場嚕...好多廣告賣呀!!終於都開場啦..睇睇睇睇睇,成套果D武術好掂呀,好好睇,最後都感感地動的~之後Y.K佢送左我去搭車啦...個頭{痛}得好緊要,好想[嘔]呀!!~上左車,都重係咁,好辛苦呀~7點返到黎屋企...都重係好辛苦..唉!~

               各位新年快樂..老爹生日快樂~

               今朝早9點起身..遲啦~之後去左[友愛]同文軒果d打波...11點幾到就走左嚕~之後好怱忙咁返到屋企,梳洗換衫,再HEA多陣..方大同呀方大同,哈!!12點到就自己一個搭車出去婆婆屋企..落到去,行行下就有車,就係咁追係咁追..成功,v!! 2點就出到[怡靜]附近...上到去了~見到傑少..婆婆&舅父母~跟住坐左陣,阿姨果d都黎左,收左唔少利是~跟住傑少佢帶我入書房啦..開{電結他},之後拎左本譜/教學俾我睇...教我禁下位咁,之後經過一個小時之內的溫習,我都總算識呀~3點幾,陸續到齊了...我阿媽果d重未到~

             之後個個已經開哂局咁款;麻雀、魚蝦蟹~我玩後者啦....$20本,一開頭手氣唔錯~之後同傑少佢做雙莊,{{蝕到阿媽都唔認得}}~途中跟左傑少買唔少局,贏到,GIVE ME FIVE!!之後又玩買大細,嘩..呢個重慘輸得..玩的途中阿媽細佬妹都黎左了~跟住玩又玩10點半...~食下朱古力瓜子咁...之後就玩o助D,玩左1粒鐘...[贏]哂3家呀,哈~食晚飯了...打邊爐,無乜野食,我淨係清芝士腸&肥牛,正呀!!跟住睇左陣電視咁啦~晏多DD,成家人開CAM同[美國]的大舅父對話,Woo,個FEEL唔錯~9點到,就搭車歸家了..好累呀!!

我要學好{電結他}!!