今朝想追架a車的,點知又係追唔到,反而追到架k車~跟住就好早就返到去‥係canteen果個樓梯到,仆左仆,成個人[飛]左過去垃圾筒到,好瘀,有個[[F.5]]見到重係度嘩嘩嘩....!! {早會}果陣好驚俾人捉頭髮囉,DUP哂頭~{中文堂}說話‥小息果陣拎左本飄流教室黎睇,打哂冷鎮囉,若果係真人真事的話真係‥‥!! {數學}打後果個小息,個個飛哂落去諗住唔想上堂幫MISS.WONG手,點知拒絕哂~{音樂&化學}都係畫畫~

           {LUNCH}果陣,同Wesley係更衣室玩得太[癲]了,連kazif&whyeah走左都唔知~去到[榮記]即刻有得食了~食完之後四個即刻去左租書,佢地好[吊癮],要租埋4~8集~途中,係咁跳黎跳去點下果d「廣告牌仔」,跟住whyeah叫我跳高d‥咁我唔小心一手打左塊野落黎,wesley重[執]左返去學校添~回到課室,睇到第3集了,速讀!!~之後{{中文週匯演}},正囉d話劇~d打扮好掂‥有個[[F.4]]扮王后真係笑到爆咀,佢[嗲]得好似呀~個表演超哂時,4點幾先放人走~跟住重要俾人[截]左,好無辜咁俾人[鬧],我都唔知發生咩事!!~

          上返課室途中,好多人係咁[問候我]‥睇到哂~即刻上左BB屋企換衫啦,之後去左天台踢波~有KAZIF、BB、GAP仲、WHYEAH、WESLEY、珊姐、CINDY~途中,NILLA、MELODY、YING都有上黎玩~跟住係咁鬥波啦,都算入左幾球~踢踢下,樓上有人掉蛋,掉左3隻落黎,之後咪係咁[嘈]佢囉!!~條友即刻無野做過!!~6點幾果陣,過左去[富來]食飯,同阿爸阿媽~羊腩煲呀‥哈~

             尋晚‥真係唔好意思~今朝起左身,重要係鋪床到HEA多陣先,真係唔想起身,好暖嫁~搭車,無啦啦黎架單層,搞到KAZIG&GAP無得上...!!返到去,睇左陣棋,阿平居然贏左阿杰~之後上樓梯前,聰仔係咁嗌:「快D上去啦」佢已經俾人捉左啦,因為佢著左褸~之後高寶指住我係咁同阿SIR講:「佢都著呀」...跟住我就好無奈咁去左記名~我印象中我記左[5次]了,差[3次]就小過~今日頭果兩堂{數學}無左,用黎練歌,極楽呀‥不過大家都好似唔係好ENJOY咁~阿旗&阿康講左個張飛曹操笑話,笑到死!!兩堂{英文},英文轉中文o既演講...講星座的~跟住{中史}又唔洗上嚕,又拎黎練歌,但都係播下其他歌咁啦,正!!~

            {LUNCH},同KAZIF、WESLEY&WHYEAH去[[榮記]]到食,好快就食完啦,係度吹D卡通‥講返起都好正~買雪糕去漫畫鋪租左幾本野啦~返到黎,好無奈‥好似「不敵MV」~{電腦堂},好搞野,無啦啦部機HEAD唔到,跟住都係好無奈~!!{班主任堂},調位,睇佢個款都知唔想調啦,咁多理由~調左等於無調囉,又話就到果個就唔到果個~好谷氣咁放學,同WESLEY落左去球場HEA陣,之後阿九練波就走左嚕~同金仔行左去[美樂],跟住係車站同莊文釗佢地返屋企‥同一條村,哈!~返到黎,排銀仔,好好玩~

很難面對我不想見的>3<!!