琴日我同屋企人返左大陸拜山,返到大陸間屋都無咩點變,不過有時都諗,澳門有間3層樓高ge屋自己住曬都幾爽,唔洗住大廈咁細ge地方,食過中午飯,去左搵個表弟吹水,但係因為佢要考試,點幾鐘就走左返學校溫習,仲諗住佢5,6點就返,點知佢話係學校食晚餐,10點先放學,原來大陸學生都幾辛苦,一日要返3次學,我地返早,午都嗌曬help me啦,佢地仲要返埋夜晚,唉........希望佢有好成績啦!!!就係咁,我就開始左清潔大行動,開始拖地,洗露台等等,由2:00pm搞到4:00pm,條腰痛到想死.........*-*
入返正題,點解我個標題會咁打,因為當我一個人靜靜地咁係天台睇緊日落ge時候,我老豆靜雞雞走上黎又同我講左一d,到e+都仲未決定到ge野,就係我同我屋企人過唔過新西蘭發展好,如果成事的話,應該就係喱一兩年內就要走,但係我又放唔低喱邊d老友同埋生活,天阿...你教我點算好???
我係澳門仲有好多事未做到,我驚我一做到又或者未做到就已經要走lu,e+屋企人隔3幾日就會提一提喱件事,我真係好驚喱日的來臨,唔通我真係要狠下心腸,掉低澳門所有野??我份人就係衰重感情,如果我冷血d可能就唔洗煩,e+唯有講句希望"船到橋頭自然直"啦
|
