時間過得真係快,話咁快又一年啦,係喱一年入面好開心,因為可以比我係高一庚同高二丙喱兩班入面識到咁多fd,由其係升左上高二之後,開頭都以為個班會好悶,又未識到新朋友wo,點知原來佢地真係表裡不一,傾傾下計就可以變到依家玩到咁癲。
係喱一年入面,最開心梗係可以由高一升高二啦,如果唔係點識到咁多癲佬癲婆呢,其次就係民族表演彩排戈陣,日日都留低練習,真係好好玩,仲有6位人兄由平民變到超級巨星 ,仲有今年入面我去過ge班活動,無數次bbq同打邊爐.仲有就係係有生之年見到新校開幕,真係十分感動
開心ge事太多啦,而我今年最難忘ge就係古家懿ge生日,點解??因為我第一次同一大班人係公園同人慶祝生日 ,仲有就係過左無幾耐ge校運會,見到自己友咁團結一齊吹bb,舉banner支持自己友戈種感覺真係好
講到喱到,又點可以唔提下岩岩過左ge元旦嘉年華,由琴日4:40一放學就分頭去買野,買完就返去幫手佈置課室,一搞就搞到八點幾,爬高爬低真係攰死人,到左今日,大家都好開心咁慶祝,食ge食,影相ge影相,當然唔小得ge團體遊戲啦,玩左開口中同爭"登"仔,不過就係d懲罰嘔心左d,總體黎講,今年都係開心ge一年
係喱一年有咩唔開心ge事,有仲未達到目標,仲係單身,希望你地下年會更好啦,單身ge係09年最後一日加油啦。希望大家今晚可以開開心心咁同你最愛,最fd的人共渡09年最後一夜,預祝咁多位2010年新年快樂,身體健康
|
