我之前同 ex-ex 傾 msn, 傾吓近況, 對話如下:
(有 d 上次都 post 過, 今次係下集, 如想睇返上次對話, 請按引用.)
[續上文]
ex-ex: "算吧啦, 呢 d 唔o岩你. 點解你成日都追求埋 d 跟本唔o岩你自己既野......你成日話 d 女鐘意車, 你咪買返架二手囉. 好平姐~ 你同人去食多 d 好野, 送多幾個 LV, 無話無得你食嫁喎..."
我: "食咩鬼食. 我講認真呀!"
ex-ex: "吓? 仲想要愛情呀?"
我: "咁起碼鐘意我丫..."
ex-ex: "成年人好難有愛情嫁囉...十幾歲可能有..."
我: "真係悲哀...."
ex-ex: "你成日話要搵後生, 算吧啦! 同你唔配喇! 你同英國果個咪幾襯! 你要玩認真, 搵中女啦! 再唔係搵個大陸妹囉...."
唉... 原來依家想要愛情都係奢侈. 人大左真係唔會再有愛情嗎? 人越大, 越難有知心朋友, 呢個可以肯定. 沒想到, 原來我已經連追尋愛情既機會都已經失去. 靜下來想想, 其實我自己都已經忘記左愛情既感覺係點. 忘記左初相識果種心跳既感覺, 忘記左果種天真無邪, 純粹去欣賞對方果種心情. 取而代之既係睇吓對方同自己襯唔襯, 著咩衫, 識唔識打扮, 用咩手袋電話. 進一步就想知對方興趣, 學歷, 工作, 甚至乎搵幾多. 知清楚現況以後, 又想知佢過去, 同咩人拍過拖等. 原來不單止要認識那個人, 仲要知佢識 d 咩朋友, 更加想知佢屋企人係點, 會唔會難相處, 家境如何等等.
點解以前細個鐘意人係咁簡單? 同一齊讀書, 或朋友介紹, 單靠那一點點互相欣賞, 已經可以放開自己, 去嘗試跟那個人建立關係, 相處. 但人大左, 要去開始一段關係, 對我來講實在係唔容易. 或者人太過識保護自己, 考慮既野太多...
或者..
"所有熱情會乾掉 一發現已經成熟了".
