今日真係黑仔，午膳Miss Poon叫我補默，點知搵極都唔見佢，
就諗著係升降機門口等，突然殺出個梁蓮頌，正仆街黎架！
都唔知係咪比我係f.2話佢教錯全等同相似三角形，
所以懷恨在心，今年已足足問我四次我係邊個，
又無啦啦鬧o左我好幾十次，今日係度話我穿越塊
「會考進行中，請在後樓梯上落」ge~板，我都冇上若，
我係一樓等老師，佢話我知法犯法，我犯咩je~
之後我都去翻110室等啦，佢仲追著我係咁鬧，
我衝動下講o左：「你失憶就唔好做老師，(你咁仲意管樓梯)
去做看更啦！」佢就叫o左我去訓導處，幸好訓導處
無論係葉sir或是Miss Man都比個老人瓜明白事理，
佢地安慰我之除，仲好關心我，真係唔明點解會有d
劣質老師係度教書！攪到我心情好差！！

唉…前幾日已經唔太舒服，但今朝真係極之辛苦，
但是因為要測驗，所以決定測完驗至早退，
唔知點解覺得份物理卷好易，但測測下又要抹鼻水，
真係唔知會唔會影響到我寫野ge~準確度，
小息交帶妥d野就落去校務處，個新仔好似唔太
想我早退，但梁媽一入黎見到我同我呀妹都病，就
即刻叫我地一定要早退喇！
返到屋企訓o左一個鐘，預備入西貢睇醫生，
VA入VA出，感覺真係唔同d^^
聽說將軍澳廠將會換晒VA，但好快又換DA，
真係打晒「？」

今日一朝早就去o左九龍城，幫個司機整電腦，
佢中o左廣告毒，話咁快就攪掂晒，
之後睇埋尋日d電視劇就出去飲茶喇，
飲茶途中某某人係咁打電話黎，
話想叫我陪佢遊河，飲完茶就同油雞玩o左一陣，
行下玩下不知幾開心，開心的時間過得特別快，
我就要離開九龍城喇，諗住好心就去觀塘陪某某人喇，
佢話我係電話度d笑聲係串佢，「你眼紅人地同我玩得開心乎？」
跟著我只不過係唔覺意撞o左佢條腰一下，佢就發脾氣
咁講：「最憎人篤我條腰！」車！唔仲意未算囉！我都忍你好耐！
唔小心又唔係專燈篤你ge~咁我咪嬲囉！佢都唔知自己d性格幾
難頂！都係同油雞玩開心多過陪某某人好多呀！

今朝八點就走o左身，因為生物要補課，
梳洗完後，就落街買麵包吃喇，
吃完就同人chat o左陣，打埋之前去赤柱個diary，
險險，差d遲到……返到學校附近見到呀刁，
佢話路口有差佬抄單車牌，我冇理到，
一陣踩返轉頭，回心轉意ㄟㄟ
入到學校，唔知攪咩，無啦啦血糖低，
諗住冇咩事，點知暈o左好耐，又睇唔到野，
係度等小休，問呀刁借粒糖，即刻醒晒，
多謝呀刁^^
唉…某某人又講大話喇……

今日同Ryan去o左赤柱，佢話要做旅遊報告喎，
係途中比佢發現o左我的洩行為添，
之後比o左d野佢作掩口費(講笑...)
就走o個陣時，Ryan掛住影相，攪到架車走o左，
佢又話要等o岩心水ge~車至肯走，
之後等成二十分鐘都唔o岩，
攪到我發脾氣ㄟㄟ，
佢就同我玩o左d小遊戲，替我解悶。
回回下程，佢發現部DC開唔，其實我早知係
張卡爆o左，而唔係壞o左(因為機會好微)，
佢就同我翻屋企，睇下救唔救到d相，
點知部機讀唔到卡，就叫我家姐幫我喇！
攪掂！呢次真係緊張刺激ge~旅程呀！^^