暫時得舊模 .. 請見諒 .. 

當初呢部車上 71A 30 呢個字軌 , 真係唔好鐘意佢
鬼叫調走左部 FP 9563 .. 

到左四月頭左右 , 友人整 AL , 我就幫手影 tex 加錄聲
當時最近自己果頭有呢部 EY 6501 .. 自自然然成為目標 ~ 
影完 d tex 後 , 搭左單順便錄聲 , 一把唔錯既聲 , 就令自己愛上左佢

其後 , 得知友人部 AL 爛左尾 , 自己又想有部 EY 6501 玩下咁
就膽粗粗走去起模 , 當然最後都爛尾了 .. 

個模爛尾後不久 , 另一位友人又想整 AL , 我又再幫手影 tex 
主角又再係 EY 6501 , 當日左面已經影好左 , 唯右面炒左 
其後六月果時再補影 , 但再次炒左
呢次影完之後 , 原來已經係最後一次 .. 

七月 , 多得 KK 既借模令我真真正正整左部 EY 6501 出黎 ~

其間自己都會搭下佢 , 錄下聲咁 , 但竟然無影到佢 .. ! 

到左九月 , 諗住影多少少 tex 去 update 下部 EY 6501 
剛巧呀哥拎左部 DC 去用 , 只好去錄聲 
上車前 , 仲特登睇下張行車證 , 一零年一月先到期 .. 

之後都忙於學業上 , 無點理過部車 , 原因一零年一月先到期嘛 .. 

到左十一月 , 終於忙完 , 今次真係去影喇 .. 前一日去左 HKBDC check 下部車 
點知 .. 部車 .. 竟然 .. 退左 .. ! 
果刻真係呆左 .. 早左三個月退 .. 不過搭左咁多次 , 都總算有點兒感到恩惠 .. 

搭就搭得多 , 但一張標準小小既相都無 .. 真係好後悔 ! 

宜家 d 蘭都退得七七八八 , 我諗真係要出去捕一捕 , 唔想好似 EY 6501 咁


* 突然一感 ..