同呢幾隻野搏鬥咗幾個鐘.好叉攰...

甲蟲俠:

手部夾夾可以開合!

!!!!!!!!!!!!!!!!!!!!!!!!!!!!!!

長牙鋼虎:

考慮咗一陣,我決定貼晒佢既貼紙!!!

好嘔心..啲鬼佬整埋啲多餘貼紙

總結:抵玩!但係有好多裝甲同骨架唔啱位,要用暴力,仲有啲貼紙好多餘

評分:8分

今日行過深水埗一間唔起眼既舖,發現呢隻鬼佬版徽章戰士玩具

應該有四款,但係間舖得三款...

我用左一分鐘先諗到個盒點開

因為太攰,所以砌住一盒先...隻野都造得幾好,貼紙亦都印刷得唔錯

至於骨架嘅關節多多,手腳係金屬制,點屈都得!

附送超迷你金屬徽章

二十分鐘後..終於都砌好

裝甲有啲唔啱位!要用暴力!

背面可插入超迷你徽章

馬達比,起動!!!!!!

下次介紹甲蟲俠同長牙鋼虎

某日經過吉之島,見全場玩具九折,

所以就決定買返啲野先對得住自己

入到去見到呢套BB戰士,就好有買嘅衝動

因為細個嘅時候曾經買過一次,

可惜嗰時永遠都係得W高達同雙龍高達2款

今次終於可以玩齊啲人仔!

我唔識上色...所以係咁易貼貼紙算

其實套野最好玩係啲人仔,十分之可愛!

主角嘅戰艦(遲啲會補圖)

敵人戰艦:

總結:抵玩!砌幾砌都用咗4個鐘,用黎消磨時間一流!!

注意:太大盒唔方便偷渡返屋企,一定要趁老豆老母唔嚮屋企先好入境

評分: 9

超耐冇理呢個日記...

以下介紹我今日入手既玩具,零食物語清貨減價既魔法戰隊魔神變身食玩

全套45蚊,抵玩!!!!

60分鐘之後...

終於貼好貼紙/.\

可能係行貨野,所以啲貼紙一啲黐力都冇

而且印到唔啱位..

隻野最過癮係可以換手腳

不過由於男女素體嘅模唔同,所以男唔可以換女嘅手腳

最後係變身之後,

紅戰士係企唔穩嘅,我係用綠戰士隻手扶住佢先勉強企到

總結:套野特價嘅話就玩得過,原價買就唔好喇...

評分(最高10分):5分