星期五去咗媽咪嗰邊，因為太攰10點幾就瞓咗。

12點幾俾細佬叫醒，因為我瞓咗佢嗰位，之後再瞓...

第二日起身諗番瞓覺時所發嘅夢 : 「我記得個夢開始冇耐就有人打電話俾我，係個女仔黎嘅...

之後就D事情一路發生，但電話就照傾。當我就快俾人XX嘅時候，

唔知佢喺幾時搵咗個人黎救我，電話都是未收線。跟住再之後...

我整個人俾嗰個女仔盛托住，我嗰時就好似幾歲小朋友，連身形都係，

瞓喺佢嘅懷抱中，但我估唔到嗰個女仔竟然係佢...．．"

嗰個女仔盛托住我周圍走，之後我俾h先生一手捉起拋咗去唔知邊度......

嗰個女仔盛托住我周圍走，其實就係要避佢......」

之後D野就唔記得lu~~~

唉~~~~~~~真係......竟然將內心嘅一D渴望係夢裡反映出來...

今日大家姐教跳舞，佢話我緊張，咁當然係啦~~

對住女生，如果只係大家傾下偈，都OK唔會緊張，但係......

要同個女生咁樣接觸，我會覺得好尷尬好唔自然，本身我係個怕羞嘅人...

不過講番轉頭，跳舞除咗要有個型之外，仲要有感情，

如果唔係，俾你跳到又點，表達唔到個意思出黎，

都係得個「睇」字。要培養感情真係唔容易~~~

經過今次男女一齊跳舞，我發覺當一男一女距離如此接近地跳舞嘅時候，

其實就係要互相配合，令雙方都有進步，以及能夠明白同體諒對方，就好似拍拖咁~

喺自己成長嘅路上，雖然有很多進步，始終都覺得有種缺憾。

唔想去承認呢樣嘢，但係都係要接受，真係好想可以彌補呢種缺憾。