朱古力~~~我最愛吃朱古力~~~~~
之前都有食開純朱古力，不過琴晚就第一次試99%嘅純朱古力...
味道真係......難以形容......
琴日傾傾下偈，傾完之後，回想起那時辭工返教會幫手嘅原因係因為有感動，
不過因為一些問題而漸漸淡忘。
就係琴日傾完之後，令我想起那時上帝嘅感動，要我甚麼甚麼~~~
以及想到一個解決嘅方法。其實一些漫不經心嘅說話，反而能夠從中得到一點啟迪/啟蒙。
行到去裕民商場先至醒起阿叔間鋪頭嘅冷氣機壞咗，
咁啱老大同老二喺度，就請佢哋去幫忙睇睇。
冇去咁耐，依然咁旺，不過以前一齊做野嘅人已經唔喺度，我都費事問咁多，
淨係得個女仔係識嘅。之後就各自歸家，返到屋企佢又打黎，
而個解決方法係有借有還，喺下晝傾傾下，一些漫不經心嘅說話裏得嘅靈感，
都要同佢講番聲多謝嘅~~~~~
跟住約咗Chris喺荷里活廣場打機，打咗一陣，Chris話要買零食，
去咗隔離間零食物語，一人買咗一盒朱古力，就係嗰時買，
我買嗰盒係99%，Chris嗰盒係76%，
我哋試過之後......只可以話99%真係好勁，
我平時食開嘅都應該係76%，仲有隻86%嫁~~搵次試下先~~~~~~~
|
