話咁快又半個月，都好似冇休息過咁，

呀~應該話唔習慣休息嘅節奏，即係身、心都要停一停。

上個禮拜二放工，喺佢屋企附近試下見唔見到佢，

雖然都知機會好微，姑且碰下運氣。先去淘大，跟住牛下、德福、

九龍灣運動場側嘅公園、九龍灣遊樂場，最後喺坪石食飯，之後歸家。

前日去LILIAN嘅婚禮，下晝返團契，夜晚練舞。

噚日上晝10點前到社區中心，未有人番，做咗陣熱身，

11點D人開始化妝，大約12點綵排，未上台綵排喺下面再練舞嘅時候爆呔，

聽到條褲撕裂嘅聲音，上完台之後，返屋企打番個黑低。

表演完咗就返去執野，食野，搭巴士歸家，返到屋企6點幾，換衫就瞓，

瞓到12點醒咗，睇書睇咗唔夠1 個鍾再瞓，瞓到8點3個字先起身，

實在係太攰，好想淨係喱喺暖笠笠嘅被窩入面，唔想出黎。

今日實在太過清閑，10點半前已經冇野可以做，喺度睇書，等食飯。

食完飯做野做一陣又做完，所以喺度打日記，打完都就黎5點半，收得工，

禮拜三開始應該會比較多野要做。

好唔鍾意一係就冇咩做好得閑，一有野做就去到盡。

呢篇好悶呀~~返到屋企再打過一篇。