今朝搭地鐵嘅時候，抬頭望上天空一片蔚藍色，萬里無雲，
好鍾意呢種天氣，好舒服。呢排鍾意喺觀塘站落車返工，
反正路程都差唔多。
都唔明點解，阿爸好似變咗個女人咁，有d野唔講都知啦，
都仲要講。好似返工番到黎食飯，入廚房裝飯都會睇下有冇咩餸，
出黎仲要話廚房有乜有乜。頭一兩次都算，但差唔多日日都係咁，
我冇眼睇咩，我唔係細路仔，唔好好似阿媽咁得唔得，有需要我會開聲。
今日睇到一篇故事︰(可能有人睇過，純粹係分享)
一個身披盔甲的武士旅經鄉間，突然在街上聽到女人的哭泣，
他馬上會精力充沛策馬飛奔，奔向她的城堡，她正被一隻野獸困住了。
勇敢的武士拔劍刺殺野獸，結果公主接受了他。
城堡之門打開了，公主的家人和全鎮的人民都歡迎他，為他慶祝。
他受邀住在城中，人民視他為英雄。他和公主戀愛了。
下回再績。聽晚公司祝捷會，喺尖沙咀某酒樓食海鮮，
返唔到加油站同大家一齊食火鍋。
好彩有yanyan幫手聯絡同設計天才表演嘅內容，
餘下嘅內容細節要喺星期五或之前要完成，真係唔該晒。
|
