今日下晝公司舉行聖誕禮物抽獎，人人有份但價值有平有貴，
我抽到個蘋果形狀嘅水晶，可以打開裝野。
原來仲有大獎，就係現金獎，喺祝捷會先抽。
食飯之前，老細同我講︰「你老老實實話我知你飲唔飲酒」
我諗都冇諗就直接話唔飲，事後我諗會唔會太直接呢，都冇所謂啦 ~
食完飯抽獎，現金獎只有兩份，由老細負責抽人名，
分別係兩個英文名字頭係J嘅同事中獎，
全公司得兩個人嘅英文名字頭係J字頭啫，有$500，
都幾開心嫁，因為自己冇咩抽獎運。嗯~~~要十一奉獻。
班同事好似唔抵得有人中獎，係要話請食飯，冇所謂，大家開心就得。
教會嘅朋友就唔好意思，冇你哋份，因為唔係好多嘅關係。
