今日心血來潮，諗住上晝買 餸，煮午餐

因為要湊仔，同謝sir報案，但佢同我講考慮返

諗諗下都係返，因為我諗唔到下晝同佢係屋企有咩做

要唔該祥仔同佢玩，分散佢注意力，佢鍾意同同性玩

返到屋企6點幾，嗱嗱聲去煮飯，煮嗰陣唔會雞手鴨腳，只係步驟唔熟

讀中一尾，中二頭嗰年阿爸教我煮飯，嗰時佢經常返大陸，升上中三之後就冇煮，

應該話唔駛我煮，仲好，多番D時間睇電視做功課

開始先係預備煲湯嘅材料，鱆魚要出層衣好麻煩，浸得唔夠耐，水滾就將所有材料倒落去，

煲湯最好嘅地方就係水滾就可以將所有材料倒落去。跟住醃甜酸雞翼，

放低等D醃料慢慢滲入去，等嘅時候就炒四季豆，再加榨菜粒、瘦肉同蒜蓉少許一齊炒

出黎嘅結果都唔錯，唉~~~不過買餸都用咗唔少，原本以為煲湯好複雜，

我見屋企人煲湯時落呢樣落嗰樣，除咗係煎雞翼嗰時D油彈到週圍都係之外，都冇咩特別

今晚要睇"聖鬥士星矢"，呀~~~~~~得救見證仲未寫，代禱者仲爭一個未搵添~~