而家呢個社會嘅家庭制度越來越薄弱，人口漸漸老化

大多數人都唔想生BB，就算有都係一個起兩個止

每次見到佢都心都會不其然有D酸，年齡係其中一個問題。

阿爸都年齡老邁，佢阿媽每日返工都好夜先返，而細路仔係需要父母放好多時間，

特別係做阿媽。不過每次放工返到黎就係食飯、睇陣電視、沖涼，跟住就瞓。

都好難怪，因為阿爸已經退休，為咗家庭經濟，佢阿媽要出去返工，幫補幾多就幾多。

其實佢呢個年紀最好係有差唔多年紀嘅兄弟姊妹，雖然會有嗌交，

但係都會有支持。得佢一個，好多時都係自己同自己玩，我想同佢玩，

但係都唔玩得幾多，坦白講真係幾難頂，而且我唔想做阿爸嘅角色。

有一次佢俾人鬧嘅時候，我喺房入面話咗佢哋一句：呢個係你嘅責任!!!

出面靜晒，過咗一陣佢哋又好心靜氣同佢講野。當佢俾佢阿媽話佢好煩嘅時候，

 (我都有話過，我知佢想有人同佢玩，想有親人嘅注意)不禁係心裡為佢難過，

亦都感嘆：家家有本難唸的經!!  

前日喺淘大見到大本嘅〝死亡筆記〞，好想要呀~~~~~~~~~好似係$50本~

三月要上堂，喺旺角近潮流特區附近(如果冇記錯個名嘅話)，潮流特區都有幾多我想擁有嘅野，

不過空間有限，睇完就算。