......本來有好多野想打，但一上到黎又唔記得要打咩......

而家ge流行歌冇以前個D咁好聽 (個人意見)

而家好多歌聽落都唔知道係想表達D咩意思，雖然都係同愛情有關，就係唔知唱乜，都有D係好聽，但唔多lo~~~

以前ge歌喺抒情方面唔錯，歌詞到肉，唱得又有感情；而家唔係咁多歌可以咁樣，

自問唔係識聽歌之人，亦唔係懷唔懷舊或者偏見......

公司有貨倉兩個，每邊收音機各一部，開工開到收工，聽ge歌都係比較hit，應該話係D歌ge播放率，

以前聽ge時候，真係好唔舒服，有時會覺得噁心，有時會頭痛，有時會想嘔......(唔係誇張)

就算聽唔慣都唔會咁，個D歌我真係聽唔明白，要有歌詞先知唱乜......

我個人認為歌無非都係想能夠引起讀ge人ge共鳴，可以一邊聽唱ge人所抒發ge感情，

一邊細味個D能夠觸動人心ge歌詞，其實係一種享受。

而家ge香港真係好悶，一味叫人消費消費消費，

拍拖、shopping、行街、睇戲、食飯、賭博、落D、浦吧、唱K、炒股票、特別服務......

而另類消費，睇書、郊遊、動靜態運動、傾電話、做家務、落公園玩......

講起公園，話懷舊又得，話係實況亦得。

以前屋邨ge公園做乜都得，

踢波得、踩單車得、追逐得、跳飛機得、放飛機得、塗鴉得、擲水彈得、爬上千秋架得、煲蠟得、大小異便得......

而家，踢波唔得、踩單車唔得、跳飛機唔得、放飛機唔得、塗鴉唔得、擲水彈唔得、爬上千秋架唔得、煲蠟唔得、大小異便唔得......

唔淨只係公園，而家好多都被規範邊D唔得邊D唔可以做...

真係好奇怪，董建華做特首ge時候，D人話政府管呢樣管嗰樣...

而家，曾蔭權做特首，D人要政府呢樣要立法，嗰樣要規管...

越多法例去規管，越顯示人ge醜惡，以及唔自律，呢個係一個真相，無可否認

我唔會因為呢D野而灰心同消極，因為一早就已經睇透，歷史係不斷重複又重複，唯有可以做到就做。

而家我覺得好興奮，好想知呢個社會呢個世界會變到咩程度。(痴咗線)