要諗主題真係好難...

尋日放工，撞到中1時同班ge同學，佢竟然仲認得我同我個名，我淨係記得佢姓咩。

佢話我瘦咗，呢個事實，中1時我係肥仔一名，而家都認得，真係估唔到......

佢好驚訝我冇讀到中7，仲話覺得我係讀到，我都估唔到佢有咁ge睇法，我咪話佢俾高帽我戴...

其實我都覺得我喺讀書學習方面係有...又唔算係天份...應該係資質...(同天份有咩分別...)

不過就係因為咁，中2開始沉迷打機，上堂時魂魄唔係度，發白日夢...

中3知衰，不過都唔係特別勤力...開始覺得自己喺讀書上有D小聰明，用自己理解ge野去測驗考試

中4...開頭都驚跟唔上，之後都OK，都係用呢個方法，因為好憎背書，但係有D野又需要背書

中5...因為中4嗰時只係理解課文，但係需要記ge野就冇咗回事

不過我就係要同它作對，問答題記得幾多、理解幾多就寫幾多，所以答ge野都幾混亂，因為有D題目都幾相似。嗰時自問都唔比其他人蠢。

事實上真係要講出分別係邊，資質佔其中一部份，動力同成功感都係其中一部份，而分別就係付出ge時間，當然唔係死讀爛讀。

會考...失敗ge原因就係恃才傲物。尋晚就係喺度諗呢D野...