今日係星期日,我同佢都要返工,由於昨晚驚自己太熟睡會整親自己的關係,所以訓下醒下,都無咩訓到,攪到個頭鬼死咁痛.不過都係決定返工.因為可以成日對住佢,係我唯一開心o既事.頭上面o既傷口令我感覺好唔知點,真係有D 討厭.今日LUNCH 同佢一齊食,雖然仲有一個同事,不過足夠令我開心架喇.放工,我地一齊返佢屋企,(基本上現在我大多數時間都會上佢度o既).返到去,佢約左個朋友落街傾計,做老婆的我當然係好乖咁留o係屋企等佢啦.hehe...我o係屋企玩下呢個新裝o既photoshopCS2,洗下白白咁啦.個photoshopCS2 好正架,多左好多野用,要摸熟D先得喇.老公大概三點半左右返到o黎,我地飲埋佢mummy 煲o既靚湯就攬到實一實咁訓覺豬喇.
分類: 未分類 |
