今日我放假一早9 點起身陪媽咪飲茶,今日好齊人,數一數原來我已經有成2 個幾月無見過佢地了,其實我真係好掛住佢地,我知道daddy 媽咪都好愛錫我,所以我唔想佢地見到我咁樣,一見到媽咪又問我佢o既事,問我佢最近點,幾時返去食飯,唉...又要講大話,每次佢地一問親我,我都要諗藉口話佢好多野做好忙呀咁,呢d 咁o既藉口唔知仲可以用多幾多次呢?飲完茶陪媽咪行左一陣根住就去左睇醫生,敏感呀...6 點幾又同佢講電話,今日鬧得好唔愉快,之後更係完全搵唔到佢添.大概10 點左右我去左佢屋企後樓梯等佢,等左好耐好耐佢都無返,坐o係度等佢o既時候我見到樓梯口幅牆度有d 顏色,記得係我地之前整落去架,真係可笑,原來每一個地方,任何一個角落都曾經有過我們的回憶.