因為身形肥左o既問題,今日我換左m 碼o既uniform,連Rosanna 個男朋友都只係有半個月左右無見我啫,今日一見就話我肥左好多,唔係掛...... 下午,個同事同我講話昨日係佢同女朋友一起4 年半,他女朋友同佢講話唔知係咪有左BB,佢聽到之後好開心,最後check左無,佢話有點失望.大概,這種事只有我們是不會開心的呢..."

今日係mummy 生日,所以我收7 點同屋企人食飯,起初大家都有點不愉快,之後決定在tko 食飯便算了.今天我飾心打扮希望衣衫可以遮掩我隆起的肚,我還用圍巾遮掩.只要我小心一點應該不會看得出來.今日好齊人,mummy一見我只係自己一個人,就問我他呢,還說欠他所以不夠齊人.仲問我點解肥左咁多.我原本今天想跟她說出真相,但知道她最近因為屋企的事很不開心,所以最後都無講到,只係話佢因公司太忙黎唔到.已經好耐無一家人食飯了,感覺好好...可以見到佢地每一個人,這是我現在唯一感到幸福的一件事.食完飯再食birthday cake,大家都好開心,而爸B對MUMMY 的態度看來並沒甚麼改變,仍然好好,希望這可以一直下去.食完飯,MUMMY 要我們回家飲湯,她煲的湯我已經幾個月無飲過了,所以我一口氣就飲左2 大碗.之後MUMMY再問起我和他的事,我只好對她說:我們很好,叫她不用擔心.坐到11 點幾我先走,唔知點解好唔捨得走,可能係因為只有這裡才是真正屬於我的屋企.走的時候,行過每一個地方竟令我又再想起我和他的點滴,想起我們曾經一起走過這每一段路的經過.想著想著...眼淚又不自覺地流下來.心在想為甚麼我走的每一段路都有過我和他的足跡,我想遠離我們曾經一起到過o既地方,一起走過的路,一起做過的事...最好到一個並沒有我們足跡回憶的地方.我以為我已經好返好多,原來對他的感情仍然全在,根本沒有離開過.我真討厭自己仍然會有這感覺,我想逃離,為甚麼總逃不掉...?

如 何 離 開 你 放 浪 遠 飛

爭 氣 的 我 應 該 懂 得 怎 愛 惜 我