今日心情真係爆差...

本身前日聽完MKK話我Econ今次考得差...

都知衰梗...

只係唔知衰到邊個地步...

結果今日出黎...12/30...

合格係合格...

但我真係接受唔到囉!!!...

今日個天氣都好差了...加上咁既卷...

我真係可以講係down到極點了...

之後上acc...

呢下真係火都黎...

都唔知miss係咪今朝食左屎...

嘈我將枝野飲放係枱度都唔理佢...

之後話我兩手空空唔拎筆..

大佬..你叫我做果d我做哂咁仲有咩做呀?!

同佢講左話做哂佢仲覺得自己好似岩咁...

頂..

真係粗口都想講多幾句...

放學之後去左呀嘉屋企玩鬥地主...

原來係呀嘉屋企...d運氣係會返黎的...

贏左唔少...不過因為時間問題...

所以玩左1個鐘就走了..

今日有得放假...爽YY..xd!!

因為琴日去左個教育主日...所以今日有得放假..=]

今日約左人去寶琳睇戲...

睇恨左好耐既小新...xD!!...

真係好好笑...

我諗成套戲睇咁耐...

應該都有8成時間係笑位...

未笑完上1個笑位就黎多個...

之後去左食街食野...

都坐左幾耐下~"~...

係度吹下水...咁就過左半個下晝

之後行下行下...

咁就返屋企了...

本身諗住今日畫下畫or可以做左份Section C

點知最後都係做唔到...

今日個天唔係幾好...

所以我都冇咩心機做呢d野...

畫就畫唔成...

Section E都係返到屋企先做~...

咁又過一日了!!!...

最近真的忙了好多呀...

今日晏晝出左去海邊吹風...

本身拎左本econ note去溫..

點知因為太舒服...冇咩mood溫~"~..

之後手痕...拎左枝筆...

畫畫...

畫左成1個幾鐘...

唉...生活點解唔可以平平靜靜咁過呢...

聽住歌黎畫畫既生活...真係想呢世都係咁呢~....

最近都好多測驗呀~

其實對我黎講都好既...

平時我都懶開..

冇呢d動力...真係幾難去concentrate去溫書...

不過太多又唔係咁好喎~"~...

會死嫁...

最近既測驗全部都係死係一個詞"大意"...

星期4同5既econ test...

因為一時大意同一時淆底...

搞到1個冇左8分...1個冇左5分...

真係好陰公...

到星期一既acc test...

居然手快快...119-89寫左20- -"...

之後有個item又係...+20..但禁計數機果陣計左-20...

搞到又冇左1分了...

(p.s係會計呢科d細分真係細得好交關...0.25分1個item都有..所以冇左1分都好離譜的說)

唉...

到左今日既econ test...明明個唔圖係唔識睇..

但係就點都會睇漏d野..

到左收卷後...只係2秒鐘...

冇錯...只係2秒鐘...冇望過其他卷..

就突然諗返起有幾條既答案係另一個答案...

之後睇心痛地睇住呀sir拎住我份卷去收其他人既卷...

咁我就當然會搞下人地...叫未做哂果d交卷啦...哇哈哈哈哈xD..

果陣其實都已經夠鐘了...只係有人唔催就唔會交...

所以先有人夠鐘都繼續寫...

唉...

"唔好大意"...

呢4個字真係聽得多...

但要做...真係仲難過登天...

(p.s所有卷都係比唔夠時間我地做...因為呀sir話咁先夠刺激...-口-"..所以冇時間check卷)

唉...希望聽日既econ test唔好再衰係呢個詞語度就好了...

最近都好忙...所以冇咩時間打blog...

就咁睇返我呢篇野...都可以搵到上個星期4至聽日就已經有4個econ test了...

所以...真係忙到不得了!!!!!!

聽日考acc..

真係人都癲啦呢2日...

尤其是今日...

個天氣真係差到不得了...

都唔單只..

仲要成日都留係屋企..

悶到爆囉...

琴日係屋企做左1條conso同1條cash flow..

不過係得條cash flow平左..

但係做左個半鐘-口-"..

今日都做左條cash flow...

都好似做左1個鐘了~..

痴線啦成個人!!!

天呀..今日落雨好啦..

返學唔好落呀..x]..