終於完成迎新週課程 ， 係 lee 幾日我覺得我真係學到好多嘢 ！
係擒晚最後的場面 我好感動！！！ 既興奮又唔捨得d 學兄學姐 。 (尤其是游欣姐同桐桐姐)
係25/8 我講咗頭三日的活動 ， 而加繼續講 :
Fourth Day - 今日介紹制服團體 同3-3-4學制
預備天才表演 ， 等夜晚表演比家長同校長睇 ， 笑到碌地 ！
我做主持 ， 係攪笑個隻 。
好快就到 BBQ 晚會 , 特別係我地負責燒烤給父母食 ， (其實有學兄學姐同老師幫手)
一面要服侍父母、 一面要表演 ， 但覺得好開心唔辛苦 ！
差不多十時半 ， 全校同學用熱烈的掌聲歡送我地的父母離開 ，
而我地就排隊冲澡 (用凍水) ， 然後返班房瞓覺 ！
(同Shiny , Denise地傾計 ，do唔知幾點先瞓着)
Last Day - 一早就起咗身 ，打咗個電話比阿爸。
擇咗入 St. John ， 同Sally 一齊 ，
下午睇電影 ， 差不多個個都瞓覺 
最精彩係夜行城門水塘 ，由導航中心d導師帶領 ，
我地要用毛巾矇住雙眼， 搭住膊頭 ， 一個跟住一個行 ，
中途有人會拍吓你 、 拉吓你件衫 (但你唔知係邊個 ， 佢唔會出聲) 、
最驚就係你後面或前面個同學會突然消失 ， 令你慌寸大亂 ， 好驚好驚啊 ！！！
哈 ！ 玩完先知道原來我地全程都只係係學校兜圈 ， 係操場到行 ， 比d學兄學姐玩 ！
十點啦 ， 家長都嚟哂接我地的時候 ， 分班講吓感想 ， d同學聲都沙哂都要講 ，
氣氛好 High，雖然個個都殘哂，但都表現得好開心，導航中心的 LoSir稱讚我地係精英，
又讚我地可風中學的老師同校長 ， 好感動 ！
最後我地全部係禮堂一齊唱 {真的愛你} ， 擁抱父母同身邊咗人 ， 場面溫馨 ！
我仲即刻去揾游欣姐介紹比阿媽認識 ！ 好開心好開心 ！ ！
要離開啦 ！ 執齊嘢 ， d學兄學姐係樓梯同操場送我地走 ， 我好唔捨得啊 
我地交換咗e-mail ， 以後就可以同佢地 contact ！ ！
lee 五日課程 ， 好辛苦， 出咗好多汗 ，把 聲沙哂 ！ 但係好開心 ！
真係好多謝d學兄學姐ar 照顧 ， 住勞任怨 ， 係我地好辛苦想放棄ar 時候 ， 佢地逗我地笑 ，
係我地要人地幫 ar 時候 ， 梗有一個係左近 ！
我一定記得佢地 ， 將來我一樣會好似佢地錦去幫我d學弟學妹 ，
發揮可風精神 ！！！！
|
