今年同咗表姐去書展，搭962過香港個陣，完程都要企喺度呀，但出奇地，我又唔覺得累喎!
去到灣仔，我地經過一條非常非常長嘅路，進入買飛會場。好彩今年可以喺1:00前入到去，買到早場飛，慳番唔少!
我地又經過好低能嘅「兒童天地」，終於到達Hall1啦，本來準備咗一張紙寫低晒想買嘅書，但點知d內容唔係想像中好睇，所以冇買!
之後行咗去田園樹屋，買咗一本《地下鐵電影珍藏紀事》，原價$100，特價$40，超抵呀!
然後行去大會堂，都係冇咩收獲!剩係買咗一張何韻詩poster(goomusic collection)[吓?書展有cd海報賣?]再行入去入面嘅Hall2，行到去kubrick，佢有d潮語卡賣，仲有扭蛋扭添，但兩樣我都冇興趣XD
我行去「麥兜」個檔，問下有冇阿闊嘅書，原本應該有一本架但又俾人買左!
再行去對面嘅「嘉出版」，問下有冇《朱八戒大話西遊》，但都係冇!唉!
之後再行番去Hall1啦，喺商務掃咗一d郵票同一本地圖，但d人好狼死，將d郵票不停掟來掟去，搞到我留咗好耐，番到屋企先發覺收多咗我錢，失敗!
我回家啦!收獲如下:
商務買嘅，$46.9
田園樹屋買既，$40
喺某影碟攤檔買，$10
呢個唔係書展買，之前託表姐幫我交收嘅，$20(場刊連門票)
|
