我地有大部分人都係重去番南浪咩灣,簡稱為「南灣」。

         今日係家長日,所以我呢就好早就番到學校,不過唔係入去,係o係架車度等老爸,咁我就周圍望,不時我係度聽歌,咁我就咩都睇唔到,咁我就戴超,之後王俊出左黎,走到差唔多過馬路o既時候,好似佢阿媽話:「阿仔,睇車呀!」,咁之後,王俊就做左一個超「酷」o既姿勢,就係好似成個女仔咁,彎一個腰,再做一個「s」字型o既動作,我就係度大笑,之後,阿鎮又出黎啦,咁佢就見到我,就過黎同我傾左幾句,就走左啦,我又要做番「孤獨老人」。

          之後老爸出左黎,同住阿妹出黎,咁老爸就同我講野,講完之後,老爸比左20蚊我,之後大家就走哂啦,我就到左4個千秋,不斷咁諗阮氐所講o既野......咁我就照行,就真係到左過雨毛球場度等,咁我就拎個「國家鍊金術師」個鐘黎玩,玩玩下,阿細朱碧就黎左,同佢就係度傾廢話,咁佢話要打比阮氐,咁我就借左比佢,佢就打左,我地就衝入去大廈度等,咁佢就叫我去佢屋企,咁阿細朱碧就按制,我地等左好耐都未到,佢就話要我打比佢,阮氐個阿媽話佢落左去,咁我心想(嘩,咁快o既,係唔係跳落黎o架?),之後又等左一陣,佢地真係落左黎,咁我地就去公園等,之後阿梁沅打黎話又去4個千秋,咁我就叫佢地,佢地就話:「而家幾時到你話事呀!」,咁我覺得既然我講左冇用,咁我就不如好過跑過去啦!

          我就到左啦,我就見到兩個人企左係度,咁我就向佢報到,咁梁沅話:「佢地呢?」,我就話:「黎緊~!」,之後到哂,我就「潛水」,之後被發現,逃走啦,咁我就走呀走,過左一陣,咁我就番去,我就聽到何希話:「唔好同「劉太」玩呀,咁我聽到之後,我就轉身走人,唔想再係佢地面前出現,之後我就流浪在蝴蝶「村」之後我去買橙汁,買完之後就番去學校,途中見到佢地,咁我唔想比佢地罵,我只好「有咁遠得咁遠」,最後又想同佢地講對唔住,又講唔出口,咁佢地一見到我就好似想罵我,我唔理佢地,同英文科長打波,佢地都黎(兩三個姐~~)我地就開始,打到中期,有隻雞蛋從天而降,咁我地就係度制造笑話,最搞笑o既就係「小心有個榴槤飛左落黎呀~!」我都係唔玩啦!睇定d先啦......

          一玩就玩到1:40,我地就去番A閘,阿SIR叫我地幫手拎野,我拎左小小,我地就依照番上次O既路線去,咁我就話:「我地進軍大唐!!!」去到邊都係咁嘈O既,當然啦~我地係去唱K呀~

          到左啦,我地係「豚」門泳池落車,我地就幫手搵黎主任,之後搵到我地過去,去到啦,我地就入去南灣,咁我地之前有吵過黎,所以打波都係咁嘈(打波打到拆樓!?),我地始終都係輸,咁我就見到女同女打波,佢地超過哂分數都係唔NEXT,咁我就講:「係囉!有D人唔應輸呀!!!」咁我地就係度吵啦...一個球埸咁就變左做「戰埸」,我一時唔小心罵左余可,咁我就同佢講對唔住啦,原來佢係話我前面個個.....

          經過阿SIR既「審判」之後,大戰得到平息,咁就大家開開心心咁玩(我係好唔想同某D人玩呀~)之後完啦,阿SIR就影相啦,我就講:「仲有我呀~!!」我就衝過去,一邊講:「可惡!!!點解我所有野都會比你奪去呀!!!」(日語調)影完啦,我地就去唱K,第一首係我同阿SIR唱無「懶」(唔要心字部)之後都算有好多歌都係我唱,一時就大家一齊唱(黎主任偷拍我地),最後我地大家一齊合唱,就好開心咁,就到走人啦......

          走之前,我地影左兩幅相...(十成十我敢保證,鄭某某見到我就死得),第一個就係余可走啦,咁我地就遂個走,咁我就陪阮氐同吳鎮去啟「風」度何希拎番過錢包,拎左之後我就走啦,結果我就行左一個圈,幾經辛苦,我先搵到個「真實之門」,之後我就行出去,就邊行邊諗野,就到左巴士站,見到劉某某,就同佢傾左幾句就上巴士我就上去上層,又見到黃某某......(嘩,今日唔洗見到咁多人呀!?)佢就落左車,巴士就行左啦......今日o既快樂時光就咁過去...嗚嗚

(拎相個陣,印小左兩福呀!!!)