今朝１１點幾先起身∼跟住係度睇噚晚果隻”阿孖有難”∼都唔錯架∼
然後又開電影睇”千王之王２０００”∼睇左好多次∼有ｄ悶∼
然係自己整公仔麵食∼一路食一路睇”新紮師妹”∼又幾好睇喎．．．
食完就落去會合佢地去家俊仔個喪禮．．．係火車站等左好耐．．．終於走得∼
然後就搭火車去大圍∼去到大圍就會合葉凱倫同謝老師∼
跟住就搭專車上寶褔山．．．葉凱倫係咁捉住我黎傾計∼原本我地都有講有笑．．．
一去到靈堂．．．大家都笑唔出．．．唉．．．
點知謝老師記錯日子．．．聽朝先出賓．．．
不過冇緊啦．．．橫掂聽日要番學．．．
我地鞠躬果陣．．．我都不禁係心裡講左聲對唔住．．．對唔住呀．．．
跟住我地係親友果本薄度每人簽番個名．．．然後就入去見埋家俊仔最後一面．．．
跟住我地又搭番專車落去．．．又俾佢地捉住我黎傾計．．．原來葉凱倫佢地係叫我Ｊｅｆｆｒｅｙ架．．．
點知落到車．．．俾周諾軒扮哂呻吟聲咁講Ｊｅｆｆｒｅｙ．．．無奈囉我．．．＝．＝”
跟住我地成班人去食飯∼坐左兩圍∼我地果圍全男班∼
我地幾個講番以前ｄ野∼好好笑呀∼原來大家都仲係好似以前咁∼
食完∼點知李漢燊同周諾軒係度玩鴿頭．．．塞入去個汽水灌．．．點知俾侍應鬧．．．抵丫．．．
終於有一次係謝老師俾錢喇∼以前次次佢都話”下次先啦”∼我諗佢今次冇得走數架喇∼
離開飯店∼謝老師話去買野∼所以我地自己行番火車站∼
搭火車∼又吹水∼我地男仔係大埔墟落∼葉凱倫佢地就係太和落∼
跟住我地去左Ｓｕｐｅｒｌｅｔ打機∼打左一個鐘∼都係玩ＣＳ∼
同佢地都幾好玩既∼之後大家夾錢請阿繆∼
然後我同阿繆、王敬言一齊淋大雨行番火車站∼
王敬言走先∼我陪阿繆等車∼傾左好耐∼
然後就歸家喇∼
Ｐ．Ｓ：今日見番佢地∼個感覺完全冇變∼就等於我同而家ｄ中學同學咁∼大家冇見咁耐∼反而冇以前咁收埋∼而家大家都乜都講∼應該係冇見三年既關係掛．．．
| 
刊登時間︰2005-06-30 12:05 AM [ 
