四月二十六日                                   

今日,

　10:00am起身,

跟住媽咪話去住係荃灣某一個地方嘅姨媽到度,

　11:00am出門口,

去到車站個陣就見到個架車有開嘅意欲,

So 我地三個就開始追車(追到我死死下)

　12:00nn去到姨媽個度,

我地留左到一點鐘就出去食午餐,

我地諗左好耐先至決定去一間叫「大作」嘅迴轉壽司店....

我地叫左兩碗拉麵(超大碗)、一碗魚生飯(超大碗)同埋六碟壽司。

嘩!!!果個午餐食到我地個個(搖頭),

飽到你阿媽都唔認得....

不過真係超值囉!!!

我地五個人食到(搖頭)都只不過係147蚊咋!!!

之後,我地就去左千色店,

　5:15pm去搭車,

去到車站就見到架車(我地又跑la....)

上到車,

我地諗住拿八達通出嚟拍,

我去拍卡個陣,

果個死人司機突然間煞車囉(紅燈)

搞到我失去平衡差d趺低,

不過,好彩我握住果個扶手.....

果個死人司機話:「妹妹,唔好周圍走la...我揸緊車架!你撞到個玻璃會死人架!」

我心諗:「依家又無撞到你塊玻璃,又無死到人,又唔使你負責,吵咩啫吵!!!! 妖......」

仲有呀...我真係好想好似女班咁講:「磯磯吉吉!」

我個陣好想講呢d野出嚟架,但我無....

　6:00pm返到屋企

阿爸又霸住部電視(睇跑馬).....

Oh......

今日無做過功課添.....

Bye bye