昨天，是香港普通話旅遊大使的匯演日了，

我是第一次參加這類的活動的。

我昨天真的超忙的說..

上午九點四十五分到禮堂進行SBA，

十點到中午十二點要上普通話自修課，

之後要為普通話旅遊大使的匯演作最後的努力..

下午一點四十九至六點就是匯演了。

不知道怎的，昨天下午突然胃痛，然後肚子痛，

胸口又好像悶悶的，有點痛，

肺部又好像被牽扯著痛，

總之就是除了四肢之外整個身體都很痛，

我有時候痛得連話都說不出，一直痛到晚上，

幸好今天早上已經沒什麼了。

昨天的香港普通話旅遊大使的匯演終於完了

我們七位女孩(3個F.4及4個F.3)這差不多一個月的努力和準備，

也全都在匯演中傾吐出來了，

可惜的是我們中間有些內容因程序出了點錯而沒有說出，

而我們有些字都讀錯了，

不過，我們的誠意卻是被評判們感受到了。

我知道我們其實可以做得更好的，

但因為我們的遲來的準備，

所以這次的匯演有些不足，

但是，我相信這次的匯演帶給我們的不只是結果的好壞，

還帶給了我們很多的知識及得著，

就如周老師說的一樣，我們不在意分數，

因為這是個讓我們見識及大開眼界的機會，我們要學習。

這次的匯演真的讓我看見了很多很精彩的演說及表達技巧，

很漂亮的普通話及很professional的簡報，

我真的自愧不如了，我知道，有很多很多的東西在等我去學。

還真希望..

所望見的天空都是遼無邊無際的一片清藍

可會給我每天心情輕鬆的一刻..　?

只要一刻的寧靜心境便好.. .

這陣子病倒了..

算一算也有四天了..

每天都像機械人般過活，

重複做著同樣的事..

每天都睏得要命..

什麼事都做不了

我已經白費了很多的時間了..

我的生命還有多少時間給我去浪費掉.. ？

套一句俗話：我可真是得閒死唔得閒病了..

比賽跟SBA都要到了，

距離星期六還有多少時間`？

我好辛苦

佢地又嘈了

呢幾晚佢地都係度嘈

聽到好多蠻不講理嘅無用對話

特別係葉洪基嘅話

佢地可唔可以考慮吓我地

佢唔知我仲愛佢嗎?

夠了..enough!

佢地終於講離婚了

但我知阿媽仲愛佢

佢地咁講都係暫時姐..

我唔知我應該點諗先岩

我知我同阿媽阿妹都受左好耐

我想走

但媽唔想

阿妹就唔知啦

我地兩個應該點做呢?

應該問,我地可以點做?

我知自己好自私

我有諗過自己走

但我知拋下妹和媽

佢地可能仲慘

我應該點諗呢?

依家嘅住處係碎片滿地

屬於我地嘅嘢真係慘

都要落得如斯下場

而我地嘅心

亦早被傷透

早不再有盼望

在彼此傷害間

早已被撕裂成無數碎片

昨晚又同橫蠻無理的葉洪基嘈，佢照例大聲無理加掟嘢，

死變態！

本先唔想係日記刻上佢個死名，

但我真係受唔住了... .

我一直係度忍，我忍無可忍了，我真係好想逃，我好想走，

我昨晚第一次寫好長的一封信給媽媽，

我真係好想叫媽同佢離婚，反正我地同個衰人一講嘢就鬧架，

我地成家都俾佢搞到心理嚴重受壓，依家佢仲變本加厲，

佢話自己就係咁，係咁唔講道理，係咁打橫黎講，係中意掟嘢打人，

係中意成日用粗口鬧人，係冇得改，

阿媽同佢講道理就粗口黎粗口去，你究想點呀？！

我受夠你啦！你唔改就唔好話人啦！你唔反省自己，走黎話我地，無理取鬧？！

成日都打人掟嘢，郁D就鬧粗口，你唔尊重人，人點尊重你呀？

你剩係顧自己利益，你剩係一味話人地唔尊重你，

一味話係人地錯，你先岩，人地講番你知你有咩可以改你有咩錯，

你就扯火，話人地數你，又唔自省，一味話人地有錯，咁你自己呢？

邊個咁得閒數你嘅嘢呀？邊個咁得閒記住你D嘢呀？！

係阿媽緊張你先同你坦白你嘅缺點咋！外人鬼理你牙？！

同你講唔夠兩三句，你就話人地寸，話人地唔識嘢，

你先至唔識嘢，你先至寸！

你故步自封，成日攞幾十年前果套黎講，話阿爺阿嫲都打得你多，

但你唔會還手，依家郁D就動粗打我地同掟嘢，

你講嘢牙？！我由細到大都只係見你打阿爺阿嫲，

鬧佢地粗口，阿爺阿嫲都話你細個果陣冇很嚴重咁打過你，

你對自己嘅錯真係視而不見嗎？！

依家我同阿妹都儘量唔同你講嘢，呢D先唔係一個家嘅表現！

你以為係人地衰先話你錯，係人地特登針對你嗎？

你醒吓啦！你有個咁好嘅老婆，你都唔珍惜神俾你嘅嘢？！

如果唔係我知阿媽同你都仲有少許感情，我一早就開口叫阿媽同你離婚啦！

我真係好想殺左你！我有諗過殺死你，如果唔係阿媽瞓係你身邊，

我就唔使驚傷到呀媽！

佢依家仲同阿媽話既然阿媽叫佢負責任＋尊重人，

咁佢以後就分清楚，以後剩係每個月俾二千蚊阿媽，

大佬！你以前到依家點對我地呀？！你對我地做嘅嘢你又唔計清楚佢？！

果二千蚊俾你嘅屋租同水電媒，打掃，洗衫都唔夠啦！你唔使俾埋贍養費ga？

你個癲佬，你以為得你有情緒，得你可以打人掟嘢發洩牙？！

你以為你唔中意拍吓屁股就可以走左去牙？！

你D咁嘅人，我地受左你足足十幾年，阿爺阿嫲受左你成五十年，

我地又應該點同你計呀？！要計係我地同你計呀！

死變態佬！你知唔知全家人都好憎你，受夠你啦！

你剩係顧自己，唔顧人地，

點解神要擺個咁嘅人係我身邊？

神唔係話佢俾我地嘅考驗係我地可以承受到架咩？

我究竟應該點面對？我有祈過禱，我知我信心唔夠，

但神呀！你話過祢嘅恩典夠我用，但我真係好唔夠信心，

求祢幫我！

我從來都未為屋企以外嘅嘢喊過，愛情、朋友嘅問題我都未喊過，

我嘅淚水只會為我嘅家人而喊，我承認家係我嘅弱點，我知架！

我第一次表白被人拒絕，我冇喊過，我同朋友鬧不快，被人排斥，我冇喊過，

我依家第二次愛上另一個人，但不敢表白怕受傷害，單戀果種孤寂的感覺，

我都未喊過。

我對家人真係好脆弱，好緊張，好重視，雖然可能唔及媽媽，

但我真係好想有一個好好地嘅家庭我唔要有錢，

只要有愛同互相尊重和關懷就得了，

但對住我呢個十幾年嘅家，我真係好想喊！

我知我可能冇咁付出，我怕付出，我怕同屋企人講嘢，

我知媽媽付出好多，但我好驚，我好想保護自己，

我唔知仲有咩方法可以令呢個家好好地，

我剩係知道我唔想同個衰人再住埋一齊，

我無法愛佢，我知我愛我每一個家人，但對佢我又愛又恨，

每次又發生呢類事情，我真係好想喊，

但我要好堅強，我唔要俾個衰人睇到我喊，

我係屋企同學校都唔敢喊出黎，我真係會崩潰架！

我真係咁堅強咩？我唔係，

我唔會同媽媽同妹妹同阿爺阿嫲表達我對佢地嘅愛，

我咁大個女都係係去年嘅聖誕卡第一次同佢地「寫」我愛你，

我驚表達自己嘅情感，我驚人地會知我其實好軟弱，

所以我覺得好對唔住媽媽同妹妹同阿爺阿嫲，

因為我係咁愛佢地。

我真係好想釋放自己嘅情感！

我都唔知點解我會咁堅強，可以忍到成十幾年，

阿媽依家已經被佢搞到神經衰弱，阿妹同我同阿媽都忍得好辛苦，

我以為我真係會失控的，但我冇，我知我唔可以，阿媽冇左我，佢會癲的，

我要繼續我嘅生活，我唔可以放棄！

神啊！我求祢保守我嘅心，我唔可以向撒旦認輸的！