2010.07.02
今日下午，Sing同Pig來我家玩煮飯仔，炒了一鍋沙爹金菇肥牛烏冬，味道嘛......整體來說還不錯，就是有點怪......
我下一次一家要準備好，而且會記得下薑的!
之後Pig教我化妝，我又懂得了多一點化妝的技巧 ; )
晚上我跟珈在荃灣百老匯戲院看Twilight III前又逛了好一會化妝品，我又花了一百五十元去買粉底液，
我這個月為了買化妝品真的花了很多錢啊!
之後我和珈一起share一碟飯，這還是第一次呢! 哈! 感覺蠻warm的∼
Twilight III 真的很好看啊! 很精彩! 是一部很棒的愛情戲! 很喜歡看Bella & Edward的愛情戲 :D
Jacob也很型啊! 他為了救Bella在battle中受了重傷，我心疼死了*3*
要是我是Bella，我也真的會愛上Jacob......怎能不愛上他呢? 不過最後我還是會選擇Edward啦! *v*
我下一次也要試珈買的那個草莓甜點! ;p



2010.07.04
今日六點，我終於到了珈家。
途中塞車很久的說，原來她家樓下發生了交通意外。
今天我來的目的是為了替冲冲補祝生日，我們玩了水彈大戰和捉迷藏。
我們在珈家弄水彈弄了很久，還未玩，我們已經先濕身了。
不過把那十一個大大小小的水彈搬到樓下去的工夫才最要命! 要知道它們重得我們三人都搬到喘氣如牛了，
我們到了空地後還要先休息一會才開始玩呢! 不過冲冲一直都很興奮喔! ; )
我們在玩的過程中發生了很多頹事......
波波在搬水彈時，常把水彈掉到地上，而且在搬運的過程中竟把最小的、最難爆的水彈給夾爆了! 還弄得一身濕!
我們都快被笑死了! ;D
之後，我們混戰中，我趁波波彎腰拿水彈時，把手上最大的那個水彈猛地砸在他的背上，一次過中了波波和珈! ^v^
波波成身濕透了，背心還可以擰出水∼^_^ v
不過之後我反被珈和波波夾攻，濕了大半個身子。
波波最濕，然後是我，珈只濕了下半身......-__-'
後來玩捉迷藏，我是最早被波波找到的那個，
珈本來不會被捉到的，她躲得很好，不過我到了她的藏身處後，我們就被波波發現了，
看來我玩遊戲真的很不濟......
今天，我們都玩得很開心、很興奮! *v*
下一次，我們要再玩一次水彈!

6月18日 - Last day of Final Exam

今朝終於考完final exam，之後同Pig、Carol & Kelly係鄧肇堅體育館打左一個鐘羽毛球，爽呀!
我好耐冇咁盡情咁打過羽毛球啦! 我哋果組仲要係笑得最多、最大聲、最開心果組! :D
下午去左土瓜灣同Ka食sushi，好可惜見唔到果位酷似水嶋hiro嘅服務生呀! 希望星期一會見到佢啦!
之後我去左深水埗同瑤瑤行街買衫先，我都係第一次單獨同阿瑤一齊行街呢! 我哋講嘅野多過十句架! :p
其實我哋都幾好傾呀! 同埋瑤瑤真係好易買靚衫著呀!!! 我要減肥啦!!!!!!
之後珈放學join我哋，我哋由下午行到夜晚，由深水埗行完再去葵芳行，
瑤由我同珈幫佢揀靚衫，又平又好睇，就當然大把收穫(都有7-8件架!)啦!
難為我同阿珈之後一直眼紅著瑤瑤，因為我哋到最後都只係得係深水埗一齊買嘅同一款衫、同一款內衣(佢橙我黃)，
同埋一齊買嘅同一款褲(佢黑我深棕色)，真係好冇癮同好可惜。



6月19日 - Back to fellowship again

Back to fellowship again. Nothing special or impress me so much. Not felt warm but still felt good.
之後我早走，夜晚跟強叔叔車去左珈屋企，真係好鍾意呢種生活，開始習慣左定期去珈家度瞓，唔錯! ^v^
好鍾意成日同珈一齊~



6月21日 - Success

今朝又去游水，仲要去左深水度逼自己係咁游，希望可以減到啲啦! 同埋我開始克服到上次遇溺嘅經翮~
之後同珈和瑤好豪咁去左食韓燒，個牛肉飯真係好好味! ;p 好想再食呀!
食完嘢，我哋就去左搵旅遊嘅資料，we have had a clearer picture of Japan旅遊同泰國旅行團。
我哋搵左勁耐，之後又行左好耐街，我同珈都買左啲化妝品呢! 好貴呀!
不過支睫毛液我想買好耐架啦! 而且盒眼影同支眼線又真係幾好品質同幾抵嘅~
夜晚同埋啤梨姨姨一齊去左打邊爐，勁飽，
然後我同珈、瑤係等車果陣係度散步，我都真係第一次食完野走去散步，又真係舒服啲嘅~
夜晚強叔叔返左黎，經過我哋嘅媽媽同我哋嘅努力，我哋終於成功遊說到強叔叔今年暑假一齊去泰國啦! Yeah!



6月21日 - JPSK' gathering

今日lunch又係同珈係土瓜灣食，又係見唔到個酷似水嶋hiro嘅服務生......it's really a pity......
今日出去果陣漏左部手機係珈珈屋企，原來冇左手機係身嘅感覺同遭遇真係好恐怖......
原來依家出街唔帶電話真係會好狼狽，而且好冇安全感~
好彩我一路都遇到貴人相助，香港人都真係幾熱心同樂於助人嘅~除左某個唔友善、冇同情心嘅阿嬸之外...... .\ ︿ /.
之後，我就去荃灣have tea with Kennex, Pig & Sing啦!
我好難得咁控制到自己唔食tea呀~連碟好好味嘅芝士焗飯我都忍到唔食呀! 勁呢我~*v*
我哋今日傾左好多化妝同護膚嘅問題呀! (其實係因為我試左新買嘅化妝品:p) 傾得好開心呢!
我哋仲約左下星期一齊黎我度玩化妝品同煮飯仔呢~期待ing~



6月22日 - with Ka again *v*

今日係葵芳同珈食lunch，呢排我哋成日見呢! 一直咁樣一齊就好了~ 不過我個心好似已經瑁散左囉!
我哋行左陣之後就去荃灣行，又一齊一人買左一件同款嘅衫 ^o^ 呢排我哋嘅taste都幾合拍吓噃~
我哋仲睇中左敏嘅生日禮物，嘻......希望到時係旅行果陣俾佢一個驚喜吧! :D
夜晚我哋兩家三母女一齊食。媽媽真慘，乜都唔食得~希望佢快啲好返啦!



6月24日 - a warm Capol practice

我已很久沒回到Capol的練習當中啦! 這種久違了的熟悉我溫暖感覺，除了是從　神來的恩典，還能從哪來呢?
感謝主，當我回到熟悉的且是自己喜愛的敬拜時，我又再次回到了主的懷抱~
我很愛跟大家一起用歌聲敬拜　神!



6月26日 - A change in my sister's life

今日，我帶左阿妹返團契。
我特登帶佢早啲返，一來俾佢知道我平時早返團契係做啲咩，二來係想佢熟悉吓今日敬拜的歌。
感謝主，因為我阿好話佢今日過得幾開心，佢無抗拒，反而仲話之後冇嘢做會keep住返，我真係好感恩!
我本來仲驚我今日陪唔到佢一齊開組，佢會好悶，
但佢竟然同我講佢知道自己唔應該一直跟住我，而係要去識其他朋友，佢仲唔理我，顧住同班團友玩，
哈利路亞！讚美主！感謝滿有大能、滿有預備嘅父神！我真係好感恩、好開心！
而且係回應講道嘅時間，我妹都肯答問題、肯去諗同父神有關嘅問題，我真係好感動！
God makes changes in her life. Thanks God!
今日，我亦都發現了我應該先好好學好彈bass。
夜晚，我又坐強叔叔順風車去珈珈屋企，冲冲真係好搞笑，成餐晚飯都係度講屎屎尿尿，仲要一路講到返去佢屋企，我哋都俾佢搞到差啲笑死~如果一直咁樣笑落去幾好，咁樣開心嘅生活先係我想要嘅!
我本來諗住星期日走，點知我又好唔捨得，星期一先同珈一齊出返黎我屋企，到佢係我度住返一晚。
星期日下午我哋唱左好耐K呀~好正呀~>3<
星期一，我同珈去我屋企之前，係深水埗又一齊睇中左同一件衫，可惜今次得返一件，
不過個店主話第二日返貨，so我讓左俾珈先，我就諗住第二日去拎。
返到屋企，我竟然搞到個廁所塞左! 由細到大都真係第一次囉! 好醜呀~而且仲好核突!
不過我竟然唔驚污糟，拎住個刷伸隻手入啲屎水度整，我都真係俾自己嘅勇敢surprised左，講真仲有啲proud tim~
因為我肯為自己嘅問題負責任!
但係我後來諗返都覺得好核突，我仲要用滴露洗左兩次手先敢出返黎......
夜晚，我竟然收到李宏達嘅電話，佢約我同史仔第二朝一齊去跑步。哈! 估唔到大家對我講嘅嘢都幾上心~XP
呢晚我同珈瞓地下，個地下真係太硬，我哋都瞓得唔係好安穩，第二朝卒之忍唔住換返軟墊。
星期二，即係今日朝早，我真係9點鐘落到去石排街嘅球場去跑步，我仲同史 & Tat一齊打排球tim~^v^
不過我好快就好累，一早就坐低左，明天要更進步也! (我們約好了接下來這一個星期內每天早上都一起做運動~*v*)
史仔嘅體能真係好勁呀! 好像不會累似的~ >3<"
之後我就同珈和敏一齊在屋企地面的軟墊上食lunch同埋冰甜多汁嘅荔枝，好正嘅一頓午餐呀! 我好難得可以咁樣食嘢~
新鮮新鮮~有趣有趣~跟大家在一起總是頹事不斷、笑聲不斷! ^o^
之後我同珈就化妝，出發到觀塘去出席臨時演員嘅面試~
我哋準備左勁耐，但係佢勁快就in完我哋，希望我哋可以快啲有job啦! 我好想試吓拍戲~~~
之後珈就同啤梨姨姨返屋企，我就去深水埗諗住拎左件衫先返屋企，點知佢竟然話唔會再返貨!!!
我真係真真切切咁感受到「千金難買心頭好」嘅感受!
珈唔肯讓件衫俾我，仲要顧住瞓覺，唔理我，仲cut我線，我真係好hurt囉!
我今日第一次唔聽佢電話，又唔搵返佢，單方面同佢冷戰，想佢都試吓唔好受嘅滋味，
其實我都好想搵佢架......唔同佢傾電話好唔慣呀! 同埋其實我有好多嘢想同佢傾......但係我又唔想咁快forgive her......
今次我真係第一次發佢脾氣，但係佢竟然冇好似上次佢生我氣，然後我花心思氹返佢咁去諗辦法氹我! >^<"

今次用口語打日記先*3* 因為e+唔係好舒服，唔想對住電腦咁耐......
呢個幾禮拜我都好hyper，因為我第一次為一年後ge事去計劃同準備，仲真係下定左決心去儲錢tim!
我真係好期待下年同珈珈兩個人一齊去日本，我e+可以準備ge都準備哂，就等下年la!
我呢個幾禮拜差唔多晚晚都同珈傾電話傾到凌晨，越傾我地就越興奮，直情瞓唔著覺!
天知道我有幾中2去旅行啊! 我都好期待黎緊暑假去Thailand !!
今次真係好多謝珈，我從來冇咁認真過，甚至我當初都有諗過儲唔到錢咪唔去lor∼
但係珈俾我睇到佢ge決心，令我都熱心起來，真係拼命去儲錢，真係認真去計劃......
都就黎18歲人啦! 今次先好似係第一次咁努力去fight for my goal∼
我仲為左下年可以安心去日本，我同自己講要考好個AL，咁就可以係7月無憂無慮咁去玩la!
日本♥我黎緊la!!!!!! *3* 要儲o2萬大元` !
仲有，我好期待我今年18歲生日呀! 但我又唔想咁快成人，真係好矛盾呀!
我好想要即影即有相機同音樂旋轉木馬呀!!!!!! so我都好期待下年去日本整番個屬於我自己ge音樂盒!!! *v*

今天，我竟然記錯了下午的考試時間，遲到了半小時，
又因為不想當著全班面前尷尬地進課室，而且沒有及早通知校務處，
結果，我雖然沒有接觸過考完試的同學，而且我可以即時進行牖考，但我仍然要以補考的方式去做卷，唉！
昨天，我跟星星和Jaime一起吃午飯後，因為她們的鼓勵，我終於再次踏足石蔭東邨往安蔭邨的長樓梯和長路，
並且再次回到安蔭邨，這裡仍然是那麼的舒服哇！
這裡經過了兩年多，大部分地方都好像沒怎樣變，
可是街市卻變了不少，不僅大部分的檔攤都關了，而且我和妹妹小學時一直都光顧的那間鞋店也結業出租了，
感覺有點兒傷感呢！
接著，我到了幼稚園門外，不知道老師看到我長得這麼大和變了這麼夕，會有什麼反應呢？
幼稚園外面的遊樂場，它的色調給我一種很和諧和溫暖的感覺，
要是沒有現代青少年的那些尋女友塗鴉，我想這裡會更美。
之後，我到阿波羅用自己的零用錢買了一杯十四塊八角的三色雪糕杯，我還是第一次吃這麼貴的雪糕呢！
不過天氣真的很熱，而且我一邊遊著安蔭邨，一邊吃著很有層次口感的雪糕，一邊拍下這裡悠閒的人和物，
當我累時，又可隨時坐下休息，一邊看看四周的老人家消遣，一邊品嚐我那杯冰凍的雪糕，真的很享受呢！
我還是第一次花了那麼長的時間去吃一杯雪糕呢！而且還有點飽的感覺喔！
這一路上，我享受了一段恬靜和諧、悠然自得、舒適自在的光陰。
身為香港人，我難得有這麼的一個機會，可以放下擔子和一切煩惱，自由地做自己想做的事情，過一刻慢下來的生活。

今天晚上，我又和家人大吵一架了。
為什麼每次也要我把家中的問題搬出來，攤在桌面上跟大家為這個問題大吵一場，
大家才會不得不面對這個問題，把一直以來對這個問題的想法通通都在吵架中說出來?
而我，往往都是每一次「討論事件」的「醜人」，好像每次出問題都是我在找大家碴，哈......這都是慣例了。
每場大架，我都是那個「始作俑者」、「罪魁禍首」。
每場大架之前，我都比大家看得清楚一點兒；每場大架後，我都比大家看得更清楚。
每場大架裡，大家都聽不到我的真正意思，
正確來說，是某個男人從來都閉起耳朵，不願聽別人的意見，只跟自己的做事方法，並且不明就裡地亂罵別人，
而又有某個女人，她從來都笨笨的，不了解狀況。
每場大架後，其餘的三個人都會再度有商有量，甚至達成某些共識。
每場大架後，都只有我默默地傷心流淚－－我不易哭的，可是我的淚線卻總能輕易被家人打通了。
每場大架後，都只有我在大家心中的形象又下跌了，而且只有我被大家更加誤解。
每場大架都讓我更討厭這個「家」，更討厭這個人生。