真的...人生第一次入壽司店食壽司...! 好感動..!
今天同阿鄭去阿sir屋企(教結他的阿sir)玩~
我地去到個時大約12點幾...~正值lunch時間~XDD
所以,,我地就去左間食日本野既壽司店..
我...竟然坐係D回卷壽司既隔離...! 好正!!><"
跟住..比阿SIR佢地知道..我係第一次入壽司店食壽司...
第一個反應係...笑..!
仲問我係邊到落黎....XDD
哈哈~之後阿SIR仲親自拎左件壽司比我...XDD
話慶祝我人生第一件壽司咁話WO~~XD
跟住我就想食三文魚壽司...(睇動畫見過..係橙色間條紋..好易認..所以一直都好想食...XDD)
於是我就拎左人生第一件從回卷壽司拎既三文魚壽司....! XDD
阿SIR仲幫我拍左片TIM...XDD
之後仲黎左3個餐..一人一份...但係已經好飽...""
好同阿SIR講...「呢餐咁貴...我一定會食曬佢..!!」
最後..都係食唔曬..."" 但係我已經好努力GA喇~阿鄭同阿SIR一早就放棄左..但我仍然繼續食...
直到佢地叫我唔好為止....XDD (佢地話驚我飽死左..XDD)
不過真係好飽啊...! 未試過LUNCH食咁飽..."
我地一共食左8碟壽司..平均每人4隻咁啦...
加埋碟飯...呢餐食左阿SIR $200 幾....""
(之前佢仲講笑咁話...「我地食完之後即走,,留低秋嫺係到洗碗...XDD」)
食完野..就去左阿SIR屋企...佢間屋好靚@@!
都算係乾淨整齊...! 個廳有3架搖控貨車...原來佢係貨車御宅族...!XDD
睇佢揸左手靚車之後....比我試下玩...
結果當然...慘不忍睹..XDD..! 冇計啦~!我唔識揸嘛..! XD! 「史上最年輕女貨車司機炒車事件」..!
阿鄭都有玩下...結果..都係同我一樣..XDD
之後去阿SIR間房參觀...一睇..!
好有宅味的房間!!@@!!
其實係廳到都已經發現,,有D車既模型,,貨車,,巴士,,私家車...仲有FIGURE TIM!!
入到佢間房...嘩..!仲多野睇...@@!
結他都有3支...2支掛係到,,1支放係架到...仲有掛支BASS同電子琴..!
當然仲有無數咁多既車模型..結他模型...有D書..同一部好大MON既電腦..= ="
其實今日黎阿SIR屋企既目的呢~係教阿鄭SET鼓譜既...~咁我又黎學下野同埋拎支BASS~
教學個方面就唔多講喇~睇左D MTV..見識到好多野...
其中最令我震驚既就係Led Zeppelin既主唱....唱Stairway To Heaven...
我O曬咀..=0="" 真係想爆粗鬧佢...不過我只係講左句..「好妖啊!!」
阿SIR真係轉做粗口...「好X啊!!」(自己轉做同音字讀吧..=V=")
個主唱真係唱到超姣..問題係佢仲要係男人..著住件露點衫..OMG!
頂唔順..即刻飛左佢..飛到去GUITAR SOLO~(我地睇呢個MTV既目的都係呢個...=V=)
嘩...個SOLO真係超勁...阿SIR話有ERIC CLAPTON咁勁WO..!的確!
好喇~睇完野~阿SIR拎左支BASS比我~教我彈BASS~
我地出返去廳到夾歌...我BASS淨係識彈IT'S MY LIFE..OTL..
所以...都係玩返個首...XDD
阿SIR教左我好多彈BASS既EFFECT...彈個時可以豐富D...
唔..學完野..阿SIR彈左幾首歌...我拎搖鼓,,阿鄭沙"隨"...一齊JAM歌~!!XDD
之後我地玩到5點幾先走...
走個時我拎住支BASS..冇結他套..就咁拎住走..好多人望..= ="
不過今日真係好開心啊~~希望下次有機會再去玩返次~!! ^^
|
