2005 年 6 月 27 日  星期一   ------------------------------------------------------------------------------------------------ 又再一次證明朱家晞係一個無紳士風度既人… 昨日真係好難忘呀∼ 我又同朱家晞、歐小聰、馮小豪、何小蓉、梁小儀、溫瑋然、楊小澄、呀哥去左唱ｋ呀∼好開心呀∼今次，每人比左四十蚊咋，仲有意粉食添呀∼ 可惜他有女朋友、愛神之箭、不敵、自導自戀、ＡＢＣ君、童話、搖滾叛徒同極樂好正呀∼不過，溫瑋然係咁搶咪呀∼ 唱完之後，馮小豪同歐小聰去左無印，我地就去左崇光行…唔好彩既野終於發生左啦… 三花話要自己一個去買衫，我地其他人就上左上層…我地睇呀睇，睇呀睇…三花仲未上黎∼ 跟住，我地係咁搵，仲未搵到三花喎…班男仔話好累，又話唔想行，朱家晞仲衰，佢話：「唔好搵啦，走啦∼」幾衰呀∼ 之後，班男仔走左∼何小蓉、梁小儀同我去左服務台嗌咪，過左十幾分鐘之後，終於搵到三花啦∼ 我地四個去左撘地鐵，為左報仇，我地四個打左去朱家晞屋企玩野… 玩野第一回： 梁小儀：「喂∼係∼收唔到，收唔到…」 收左線… 玩野第二回，爆笑： 何小蓉：「喂∼係∼唔該我想搵何美玲…」 朱家晞：「下？佢唔係度喎…」 何小蓉：「咁呀…你叫佢番黎之後打（某九個數字）比我呀∼」 朱家晞：「哦…你係…？」 何小蓉：「我係姓張架∼」 朱家晞：「好呀…」 玩野第三回： 楊小澄：「喂…阿仔…頭先係咪有個張小姐搵過我呀？」 朱家晞：「下？」 楊小澄：「喂…阿仔…？」 朱家晞：「喂…喂…」 楊小澄：「你係邊個呀？」 朱家晞：「喂…」 嘩哈哈∼笑到頂唔順呀∼ 刊登時間︰2005-06-27 03:44 PM     [ 訪客留言(3) ] [ 編輯日誌 ]