今日真係好正,本來起身既時候都唔係幾精神,點知又咁鬼好天.
跟手係我最悶既時候,傻妹又殺出黎同我傾左一陣.
我沖完涼之後個fd又叫我出去陪佢喇.
(位,係咪jimmy呀?)
(我係,邊個?)我成日都認唔到人地把聲
(你得唔得閒呀?陪我出去呀,我想買衫!)
(咪玩喇,你都係想識女仔姐)我一語中的
(都係姐,陪我喇.)佢苦苦相逼下,我只有就範.
出到去我都係覺得好無聊,事關佢睇女仔多過睇衫.
我頂佢唔順,坐左係商場既一排登度,係漫不經心既一陣發現左唔少靚女.
我心諗條友(fd)洗唔洗咁辛苦,周圍走,我都見到唔少喇.
最後佢拎左幾個msn,仲問我啱唔啱用,要唔要......
:你唔洗客氣喇,(我直頭想用登車佢)
心力交瘁既我想死咁滯,即刻去左屋企附近既男球場打波.
好熱!好熱!好熱!!但我比太陽更熱!!
終於我仲跑埋15層樓返屋企,條氣至順d
無論如何,都好過係屋企hea既........
|
