25週年才藝會演好精彩,唔錯唔錯。
真係估我地學校d學生係咁多才多藝，個個都好俾心機去演出。
相比起，我淨係識得坐係台下做觀眾，真係．．．．．．
令我印象最深刻的就係個位ｆ．３的同學仔拉小提琴
佢真係好鬼利害，竟然拉出煙來，我真有ｄ驚佢會拉出火
Drama都好好睇，不過由黃聖琛做女主角就．．．．．．
黃巧兒做得真係好好，好得來有ｄ過火，好似搶左女主角鏡，唔知仲以為佢係女主角tim
好多平時好靜ｄ同學上到台就唔同晒，變左第二個人咁。
我最佩服鄧家俊，好似個個表演都有佢份咁，成日都可以係個台上面見到佢
而且，ｄｒａｍａ裏面，佢表現得好出色，好大膽，仲好可愛，好型（果然係鄧氏出品，必屬佳品）
本來以為十點幾就完，點知成十一點半有多先完。
天又黑，街上邊又少人，好彩仲有寶寶，莊嘉等人同我一齊返屋企
我地係小巴站等小巴，點知Ramond打電話俾我話最後班小巴走左lu~(佢就坐係個部小巴上）
好彩佢打來，如果唔係我地幾名妙齡少女都唔知等到幾時先等到有小巴返富泰
到時真係悲哀．．．．．．．
返到屋企已經十二點有多，全屋都瞓晒，搞到我唔敢開燈，結果．．．．．．．唔好提．．．．．．
|
