今日真係太忙啦!!因為今晚要去飲呀...不過係一個我極唔想去既飲宴..我岩岩練完波又未換衫..個身又烏糟辣蹋...真係唔多想去...但係佢地又係咁催我過去..咁無計啦...著得咁隨便都仲係要去...之前又話唔擺酒..而家又擺...無奈左..我趕到去都仲未開席..咁我做咩咁鬼趕呢...呢樣都未算呀...入到去我以為係一家人一齊坐..點知就開席既時候..daddy同阿媽就比d主人家叫咗去前面坐...仲要係第一圍呀...咁即係叫我食自己啦...!!! 成台都係三唔識七既人..仲要有好多細路...果個唔知係姨媽姑姐既物體個三個仔女都o係度..仲要我睇住佢地..唔係呀fa..我都話咗唔去架啦...睇下似咩樣..之後仲有一大班不明物體坐埋黎...搞到我都開始有d唔想食..但係又好餓喎...一上菜..我就食啦..不過每樣都係食少少...係菜會食多d..皆因果d人既筷子o係d餸上面打交..搞到我都唔多想食...o係果度捱咗兩個幾鐘...期間仲有敬酒既時間...最令我難頂同無奈既係..女方既家長仲要成台人唔走去敬...特登走過去針對我敬酒,,唔知係咪因為我係daddy個仔呢!!...真無奈...唔敬又唔得..俾佢地吹脹左..~~