又有幾日冇掂過個日記，發覺自已冇乜責任感....

我等左好耐既世界盃，開鑼啦！一如以往，去JASON屋企睇波，尋日打德國對哥斯達黎加...幾好睇丫，但係哥斯達黎加攻門唔夠積極囉！德國攻佢20次佢先攻一次。GARY同ar 俊話哥斯達黎加贏。之後我地一路鋤Dee，一路睇波。GARY真係幸福啊~！有Yoyo姐陪，我就"布"係電視前面做傻仔....果然不出我所料，德國臨尾總係會射入多一球架....ar俊荷包大出血啊~哈！

之後個場係波蘭對厄瓜。悶到嘔，個個飲到pairpair呼。攤哂係地，場面狀觀。

今日佢地黎我屋企睇，但係JASON無黎。睇英格蘭對巴拉圭啊~又係無得打既~~

今日最後一日考mork...引用Mark哥既至理名言:"通常考試最後一日都係一場大屠殺"果然係呀~!今日考埋最後個三份卷，英文Grammar，數學長問題，同中文Listening。三份卷有兩份死左，希望數學唔好死埋啦~~如果唔係就死得啦~!梓熙入黎講數學卷既野，講我同平哥，Anson，偉霖係咩所謂數學才子，係度暗串我呀~但係無論如何，都考哂試囉!幾多分到時先算啦！

放完，同Kelvin出去走番轉，之後去打波。之後，辛苦左咁耐，要訓下啦!!

呢幾日都係做同一樣野...開夜車溫書，都唔明mork都要計分。又要係禮堂考，好似考會考咁....真係有D想死既感覺呀~!好啦，考埋聽日就考完啦~考完去打波....今日要比心機，唔可以比部腦騷擾啦~~!努力努力！

繼續落大雨既一日，番到學校，係課室教人做maths功課，好忙啊~~之後要考mork，話就話係Revision Week，第一日考中史，比係男拔難好多，多左好多意見題。但無可奈何，只好接受。

考完中史，有一個鐘休息，跟住溫地理，地理反而容易D。係禮堂考，我真係唔會坐係度成個鐘呀~考完，check卷，走人。走個陣都係十一點幾only~

返到屋企，chat左一陣，就去溫書。唔打住啦~~溫書!

今日係端午節，約左KELVIN出去睇龍舟，不過落雨，好唔方便。之後同表哥去睇VAN仔，都唔知係唔係玩野嫁??佢話98年車，但係部車冇轉數表，水溫表都冇!!睇個樣似95年多d！條友仲收$80000，唔好去搶??

走個陣時見到JASON and ANGEL，你地仲唔係....??之後GARY叫我，KELVIN，JASON班人去佢屋企玩，咁咪同JASON去囉，有個人係火車上面爆粗，仲勁過巴士阿叔啊~!同JASON講左d野!!我俾左d意見佢，佢又俾左d意見我啦!!同JASON傾計係幾好，起碼佢會諗得深入，又識分析。

去到GARY屋企，穎，平哥都黎左，KELVIN唔黎，跟住成班人出去打機，GARY俾人聊鬥車，佢輸左，俾條友串，之後個個人叫平哥去玩，佢贏左。跟住JASON同我出馬同第二個人鬥，佢無得玩~~我贏哂，連JASON都差6秒幾呀~~個條友俾人串到無聲出。之前又講到自己係無敵手，荒謬！

玩完就去食飯，臨走冇人俾錢，拖左一陣ar肥俾....大出血!!THX ar肥~

之後就散Band啦!!