早幾日既時候....

我呀媽無啦啦得閒執下個櫃既時候...

比我見到1個ok大既正方形相簿

其實我已經睇過入面d相幾次啦....

但係唔知點解每次都好想睇下入面d相

入面好多回憶呀''有哂我細細個d相...

但係好可惜既係我完全唔記得影呢d相既個段回憶

可能因為太細個啦

(大部分都係由我BB仔既時候直到讀幼稚園) = =''

仲有我留長頭髮D相...(<--好耐冇見過我長頭髮既樣啦)

估唔到我細細個都OK可愛架wor...

對住鏡頭做d動作好鬼馬呀...

有唔少都係我同細妹d合照'' 仲有..好多..好多小朋友...

不過我都唔知佢地邊個打邊個 ==''

細細個真係好...咩都唔駛煩...

又冇乜思想....講錯野人地只會當你唔識野...笑笑下就當算數...

唉''  其實我成日係度唸...唔知第時我自己個d仔女...會點呢??

如果可以比我簡既話'' 我d仔女....會有1個哥哥同1個妹妹

因為哥哥會好錫妹妹...起碼唔會成日蝦妹妹先啦  (在我思想中哥哥是很好的=v=)

=3=''死啦!!! 我會唔會唸得太長遠呢??!

不過咁得閒既我平時就係唸d好長遠既野架啦...

我既性格就係咁'' 咩都會唸定先....計劃好先

其實我唸你地覺得我有時''沉默是金''....

係因為有時...我係講野之前實在唸太多野''

可能你講緊某樣野...我已經唸緊你所講野更長遠既野''

搞到次次我想講既時候...已經太遲啦 =v=

冇計啦....性格關係...好難改的''

哇''打打下無啦啦打埋d咁既野 =3=''

講下其他野先....

好鍾意貓狗...但又好怕既我... (<--矛盾= =)

終於等到星期一啦....

因為我期待既[當狗愛上貓]終於有得睇啦

佢地真係好可愛呀''同埋好有靈性...好體貼....

期待中.... >v<''