今次我要推介的食店係位於旺角豉油街的一間名為「寶島茶居」的食肆，它是一間台式的食肆呢，而我也是第一次光顧的﹗而光顧後，我覺得這家店絕對適合推介給各位。

這家店最值得欣賞的地方是食物的味道。我叫了一個香酥雞扒米線，而田少叫了一個椒鹽豬扒米線，再加了一碟油菜，同時各自送一杯$15或以下的台式飲品，我同田少都叫了蜜桃紅茶~這樣的一個餐要$35包粉或飯+杯野飲，而油菜係$12的。價錢尚算可接受。而野食的味道真的不錯呢，先說說那碗香酥雞扒米線，那塊雞扒真的香得過份，外邊仲有一層薄薄的酥皮，仲係熱騰騰的﹗而米線的份量都挺大，加上本身已有配菜。不過，最正的係佢個湯底﹗﹗﹗>u<b唔係太濃，清中帶點香的，配上米線一起吃下，真的一個大享受﹗而更重要係飲了湯底都唔覺口渴呢﹗所以下次可以唔使叫飲品都得，省下$10都得~~~﹗只可惜扒的份量則少了一點﹗對比椒鹽豬扒...雞扒係弄得好食點的，因豬扒似乎弄得太耐而有點"鞋"的﹗不過，回家後看過有關此店的評價，得知手撕雞米線係好好味的，有機會都要試下呢﹗而那碟油菜味道也不俗，係少數能引起我食菜的食店，仲要係我平時都討厭的菜心﹗或許它加了些醬定蒜頭的東東在上面，令佢更好味，我都算吃了挺多的^^﹗至於，那杯野飲都不俗的，份量都ok~不過我還是喜歡米線的湯底~

而其次值得欣賞的係員工的服務態度。話說我們去這間食店都挺多人，我同田少只能坐在一張較細的二人枱...真的好細...差點放了野飲，就放不到兩碗米線=口=""。不過，當隔離的二人枱走了後，員工即刻真過來幫我們泊埋張枱，即時大晒~~~呵呵呵﹗而且問到他們野食、餐飲點計時，都願意答我們呢^^

至於其食店的裝修就一般，飯枱係以木枱、木櫈組成，牆上有些木製的食品牌，也有一個很大的「茶」字及一副木製的對聯咁~唯一的不好，相信是客人的進食空間太少，野食叫得多點就不夠放的了﹗而且有點焗促感，不太適宜大伙兒去，除非係坐街邊的圓枱啦~大家有興趣都可以去親身食下~

真係好正喔><