今日係詩既生日

係之前,,我應該好開心

不過,,同老公,,好似開始出現變化

唔知係佢變定我變

每個電話最後既88老公/老婆

開始變成冇靈魂既台詞

每個電話可能會叫下,,老公/老婆你做緊咩呀?

都變成單單一句你做緊咩呀

大家都會好開心咁聽對方電話

之後就會話,,今日黎你屋企冇?你想唔想<<通常都係我講

因為老公已經習慣我會話會過黎,,

所以就算佢想都會等我講<<呢個係佢既解釋=.=

今日雖然老公話叫我過去我好開心

但,,我今日好累又諗太多野

所以我冇過到

其實我係諗住去老公到坐車出去

意思姐係我想出去之前見老公一面

每日都想見到老公

之前係覺得之後可能都唔可以日日見

不過雖然我地真係日日見,,

但感覺好多野都變左我會咁做所以覺得必然

就好似老公話,,你平時會自己話過黎

其實我最想係佢主動叫我過黎

不過通常我都會鬧脾氣

老公對我黎講好重要

但,,好似感情係咪一定會有習慣後分手呢回事呢?

我唔想大家隱藏自己

所以我用日記黎對老公表示自己

但,,我一d都唔知老公幾時唔開心

我睇過好多新聞都話有d情侶會因為習慣左大家覺得大家係家人

所以分手,,做朋友

咁,,我地又會唔會呢?

我想佢一輩子都做我老公

我冇改變過呢個諗法

亦因為唔想同老公鬧交

所以我改變左我既諗法做法

但我都仲係會係咁諗d有的冇的=.=

我愛老公,,呢句話,,感覺好耐冇講俾佢知=.=

話說睇黎今日呢篇佢應該唔會睇,,

因為,,佢都唔會記得睇

除非我又忍唔住同佢講我打完日記

咁可能佢會為左哄反我而睇

咁到底我應唔應該叫佢睇我日記呢?

唔知

所以我決定講就講唔講就唔講

不過我諗我一陣都會講=.=

睇唔睇係另一回事

沖涼換3出去囉=.=

想去老公到睇下佢,,攬下佢

不過我諗佢都係打緊機理得我死個種=.=

--------------------

呵呵,,今日出左去睇完呀仔比賽之後就送左份禮物俾詩

之後就同仔去左屯中搵老公同佢朋友

搵老公之前我同呀仔去左影貼紙相

好開心呀,,之後又去左美食回合老公食野

我又食壽司=.=

之後老公話我肥左,,

我就話,,,當然la,,好食好住,,[指住我老公]包我食宿=.=

同左老公一齊我又真係健康過以前

之前早又唔食午又唔食=.=

不過老公成日都會同我係佢屋企食野,,

所以身體都好左,,,我要減肥,,話我肥=.=

之後我又話左星期六會同契媽食

聽日就同老公去跑步^^