咁日係兒童節,同時又係我地中5的last day,可能咁日之後,唔會再有返學ge機會,所以咁日我地中5會享受最後一天,
咁日比平時早左起身,可能咁日比較特別,返到學校,就買左飯盒食,9蚊,前一日都係咁,跟杰仔買,食完上去,
一路都係玩同吹水,英文堂上完就同春麗影相,雖然佢ge教學方法好有問題,但係咁日都唔會計較咁多以前ge事,
之後都不停影相,上物理,都係玩同睇game wave,雲佬話同我地最後努力,教我地公式,冇咩人理,可憐,
之後佢比左電話我地全班,但係又係咁玩野話:我唔係成日開機嫁,如果要搵我,但係又打唔通就打去學校啦,但係我又唔一定會知嫁,
你叫佢同我講開手機,你咪打到比我囉..............聽到果時真係o曬咀,咁不如打去學校找你,咁要個電話做咩>w<,
之後中文堂,miss張問我地做唔做聆聽,由於本來佢想我地做,但係話最後一日,你地都冇心情做嫁啦,所以比我地簡,,
我地當然係唔做啦,之後就同我吹水,叫左d人出泥講感受,何童仲比全班ge壓力下出左泥唱歌(其實佢自己想唱=3=)
仲全班唱校歌,影左相呀,佢地拍埋片,呵呵,之後超哥入左泥,仲以為佢同我地玩下,吹下水咁,點知話..................
5份大題目,5份mc=.=全場o左,之後就係咁話:唔係呀,大叫咁, 中午食完飯就返去,同人影相呀咁,
本來最後一日有PE上,但係佢話散學禮冇得上,等上堂果時仲係咁影相同玩,仲以為個散學禮會好感動,
點知係講升學果d無聊野,真係諗都冇諗到係咁,之後完左,都係咁係禮堂影相同玩,可以話係影足全日,
之後放左就係咁找d老師影相,之後係3樓都係影相同玩,dd可以話係我地ge回憶,有d人件3真係寫曬簽名,
估唔到真係有人咁做,之後就去左2樓找呀董,去到佢同稼哥係道玩搭牌,嘉兒就活動行為不明@_@,
之後就上左7樓,由上而下一路影相#備註:影相果個唔係我,係嘉兒囉住部機係咁影
之後影左一張呀董ge相...........好驚嚇嫁,之後入左一個男仔唔會去ge地方郊遊,
本來係要找太極sir囉d野(呀哥叫我幫佢囉),但係又唔見左人,之後仲走埋,算啦,唔鬼理佢,
出到去就4圍遊,行下d道又行下果道,之後上左呀董home,係度玩啤牌,呵呵,之後董媽媽返泥,
佢加入戰局,集齊4隻腳,仲比我地封為<賭后>,之後我同嘉兒仲係佢度食埋飯,佢隻狗隻真係好好玩,
董爸爸好搞野,問我地呀董係學校有冇花名,點答呀,好多人叫佢都唔同嫁wo,之後食完,睇左陣電視,
又開始玩啤牌,玩玩下,玩左uno,11點幾就落左去叫埋思思上泥玩,等佢落泥果時,係佢樓下道跳舞,
可能我地無聊到悶啦,仲要比粉官ge人見到=.=果時我仲着住校服.......之後就去左7仔買野食,
上到去又玩啤牌,原來思思唔識玩,好彩有賭后做佢支援,又轉玩uno,d個難羸d,一下就比人耍左,
要囉成12張牌,都冇思思咁勁,一次話要囉成16張=.=果時電視都係咁播溏心風暴個廣告,之後一路玩
玩到3點都係咁播,果時就送思思返home先,我地就返上去再玩,但係都冇咩點玩,係道睇電視,
果時做緊醫道,d一集係好正經,但係我地又係咁笑,又有一個IQ題,睇睇下佢地兩個z左,之後我睇左一陣漫畫都z囉,
果時好似4點,係佢道訓埋,大約7點左右,董媽媽出泥叫左呀董同我入房訓,董媽媽真係好好人呀
咁次IQ題
一個上吊ge人,用d咩吹入個鼻,可以救得番呢?
知道答案ge朋友可以留言加上姓名回復
|
