呀呀呀呀呀呀呀呀呀呀呀呀呀呀呀!
我回來了呀'
好好玩呀
我唔要返黎呀'
好掛住豪華套房同塌塌米呀'
好了'
我回來了哦'=)
首先還是要多謝大家掛住我呀'
仲有上機前肥宙先生的一個溫馨的電話'
好多把聲叫我一路順風同小心d' 仲唱埋歌tim' .. 同埋叫我買手信'= =
當然還有親愛的瑜拉'
好了'
等我介紹一下嘉雯的 Korea's Christmas la'=)
第一日好痛苦呀'
等到淩晨2點幾先可以上飛機' 飛機超焗呀' 焗蕉咁焗'=(
終於係6點幾到左韓國拉' 然後一出閘就見到呀大熊導遊Ricky同混蛋攝影師Jimmy'=)
期間我爸爸叫我出去感受一下' 點知一開門' 凍到食屎'= =
坐左差不多2hr ge車' 黎到韓國首爾'
好凍呀' d風吹埋黎好似介面咁'
第一站就去左古代ge豪華大屋參觀' 真係好肚餓' 成晚個飛機餐得個包'
=(
可能大熊Ricky知道我地肚餓呀' 11點幾就去食lunch!
食高麗蔘雞湯' 好好味呀
一邊食' 一邊望出窗外' 見到d韓國婦女係自己餐館度談心'
我發覺好似睇緊韓片咁' -v-
吃飽飽跟住就去左睇冰雕' 真得黎好搞笑' 然後仲教我地整冰杯'
跟住去左shopping' 唔記得有冇買野了' 去左入bin ge水族館睇魚'游呀游!
係韓國時間5點幾' 即係澳門時間4點幾'
我地仆去食dinner了'= = 食石頭飯+ShabuShabu'
夜晚去左遊樂場度玩呀' 韓國人d英文真係不得了' 問bin度係Washroom都唔知'=(
除左跳樓機之外' 我差不多咩都玩左了'
自從係Canada玩過戈個勁高ge跳樓機之後' .. 我有陰影'
玩左成晚' 返左酒店休息' 係敲門ge時候'
我講齊英文' 韓文同中文ge你好'
唔好笑' 我知你笑緊呀' -田-
個房好靚ga' 張床又彈' 廁所又大' 真係不得了'
過左一陣' 呀團友叫我地落街睇雪'
原來首爾落雪呀' 好好彩先有ga' 雪我都見過' 但係一粒粒飛落黎戈d真係未呀'
我由細到大都以為雪花形狀係吹出黎' 點知睇真d真係有六角咁ge形ga'=)
玩左一陣就上房訓教!
day1
第二日正點呀'
去滑雪!
食完早餐搭左2hr車程去滑雪場' 沿途d雪愈來愈厚' 見到ge地方愈來愈白'
期間去左租3' 呀老闆娘一見到我就去左童裝部lo左套粉紅套裝俾我'= =
成個下午呀大熊Ricky都教我地d基本野'
呀' 我學黎學去都唔識轉彎呀' =(
玩到咁上下我地返入滑雪場度食野' 著住對滑雪鞋好似勁聯咁' = =
食飽飽我地就搭纜車上山頂睇夜景' 途中見到d人係山頂度滑落去呀'
痴線ga'
睇左陣' 影左陣相'
時辰到拉' 跟大熊Ricky滑雪ge人係時候返落去'
要坐吊車上雪山滑落黎la' -口-
當然' 要考試的'
個個大人係半山滑落去都實跣親'
到我了' 大熊Ricky話我一定得' 係半山滑落去我都唔係咁驚'
但係無奈我唔識轉彎' 所以差不多落到去戈陣' 一野抄左落呀韓國女人度' 我地一齊'sir'左落去'
由於我地太差了' 大熊Ricky叫我地滑多次'
第二次我都滑得唔錯' 但係排緊隊戈時' 有個團友呀姨唔想轉彎' 但係90度抄左埋我度'
我諗都係報應呀'
最後廿幾個團友' 只得差不多十個可以pass' 而且大半都係小朋友' 當然有我了'
我同Emily同一組' 一齊坐吊車上去'
係上bin望落黎d人係一粒粒' 我仲要係吊車度狂fing腳' 搞到Emily超想殺左我'
上到去好高呀' 漫漫長路呀' 呀孫先生包到個頭成個毛澤東咁' 超搞笑'
我同Emily尾2落去' 開頭A字腳都keep住幾慢' 點知又有個韓國青年係我前bin'
本能想避開' 變左11字腳'
呀~~~~~~~~~~~~~~~~~~~~~~~~~~~~~~~~~~
咁就飛左落去' 快到個A字差不多變一字馬都剎唔到制'
大熊Ricky同我地講' 剎唔到制唯有坐低'
咁我就滾左幾下坐左係度了'
實不相瞞' 我上左去3次'
第一次仆左1野' 第二次仆左2野' 只有第三次係平安冇事' = =
我落到去大家都鼓掌呀' 真開心'
最勁一次' 我臨落到黎竟然勁聯咁轉彎'
抄左埋圍難度' 撞到我瘀左' 我老豆同呀媽竟然唔扶我呀' 係咁影我相'
最後都係celia同混蛋韓國攝影師Jimmy抱返我起身'
真係最好玩的一天呀' 跌到我個屁屁好痛'
返到酒店我地訓塌塌米' 地下好暖呀'
day2
第三日都正點!
食完早餐我地就去參觀熊啤啤館'
點解我一開波就叫Jimmy做混蛋攝影師Jimmy'?
事發原因係熊啤啤館的花園外'
我地參觀完熊啤啤之後'
經過花園' d雪好厚' 厚到去失頭哥戈度' 見到團友d細路係度玩雪戰'
咁我同Emily戈d大朋友梗係參與la'
期間呀混蛋攝影師Jimmy叫我影相' 咁我就搵個靚位la'
點知一轉身' 條粉腸推我' 我就成個人pa左係地下'
咁我又起身諗住推返佢la'
起唔夠一半條友又推我' 仲禁我落d雪度' 凍到我食屎'
頂唔順走返入去' 點知佢捉住我' 秋起我條褲' 成個抬起我'
行返入雪堆度' 嗌one' two three又dum我落地下'
打唔掂唯有走佬拉'
返入去抺乾淨d雪' 開始影下相咁'
期間呀混蛋攝影師Jimmy周圍點著d火頭' 係咁搞人'
過左一陣' 佢開始幫我地影下相'
到佢幫我同Emily影相拉' 我同Emily講等佢影完呢張嗌1 2 3就掟佢'
點知掟完佢之後' 我見到佢好平靜咁叫人幫佢拎住部相機'
戈陣我就知 .. 係唔可以報仇架'
食屎' 靚野!
我同Emily即刻拎轉頭狂奔'
但係d雪實在太厚' 搞到我地跑到勁聯咁款'
最後我比雪下bin ge唔知咩野cake跌左'
當我想起返身ge時候' 佢已經一野禁住左我' 係咁lo d雪抺我塊面'
等到我起身戈陣' 我見到Emily己經俾佢禁住了' = =
我地輸左'
有d大人團友睇佢唔順眼'
十幾人秋佢一個'
最尾佢係d雪度典黎典去' 輸埋'
之後我地就出左去出bin堆雪人'
砌好曬眼耳口鼻之後' 個畜生Jimmy竟然插支煙落去' 仲點著支煙tim'
顛曬'
玩左成朝' 我地就去浸溫泉'
呀' 係更衣室度見到好多韓國女人唔著3走黎走去呀
我生活左十幾年' 從來都未試過見到咁多女人唔著3' 呀' 好怕醜呀
有冇試過係-7度著住件泳衣走黎走去?
呀' 凍到你食蕉'
不過一bin浸溫泉一bin掟雪真係好有情趣'
平安夜ge晚上'
我地就去食海鮮'
好好味呀' 個師傅仲拎隻生ge八爪魚出黎俾我地咬住影相' 超核突
呀' 我冇咬呀' 不過呀師傅比我拎住影相' = =
戈晚氣氛好好' 人人都乾杯講Merry christmas
食完野我地就去放煙花'
我ge白色聖誕節咁就開始左了'
返到酒店' 又訓塌塌米'
你地澳門時間11點' 但係韓國已經係12點了'
所以只有住我樓下的哥哥先至搭到正一正sd msg俾我'
謝謝你'
當然' 所以人都感謝'=)
day3
我與Jimmy' 呢個受害者唔知係bin個'
得返隻腳戈個係我'
最大舊戈舊雪係我掟的'
呢個鏡頭完左我地就掟Jimmy'
第四日就是大出血的時候了'
Shopping'Shopping'Shopping'Shopping'Shopping'Shopping'Shopping'Shopping'
朝早搭車返首爾'
買完人蔘之後就去專門店買化妝品了'
係韓國買好平呀'
不過都買左十幾萬'=)
買左UGBang同Skin Food返屋企'
呀. 賣人蔘同化妝品戈個野都識講中文ga' 好親切呀
不過好似機關槍咁' 講得好快'
之後仲去左行街' 買左兩件EVISU' 好貴呀'
然後晚上又去了明洞行街' 同celia一齊' 同佢傾左好多計'
買了好多手信'
其實係韓國買3都真係冇咩驚喜'
好似行拱北咁'..- \/ -
不過個個韓國女仔都係冬冬地菇頭'
望一個可能會覺得幾可愛'
但係當成條街都係ge時候就真係好' .. 核突'
這個晚上吃的是韓國燒烤' 好香'
好了' 訓返第一晚的豪華套房'
行程到這裏就完結了'
day4
最後一天了'
本來今天要返學的呀'
可是我請假了'
戈日4點幾鐘起左身呀'
汁好野又搭車去仁川機場了'
寄好行李'
同Ricky跟Jimmy say byebye之後'
我地就入閘了
再見呀Ricky跟Jimmy '=)
我記得係8點鐘上機'
當我訓醒ge時候仲係韓國' 9點都仲未起飛'
痴線'
又係一樣' 未試過搭飛機搭到出汗'
都係一個新嘗試呀'
好了'
大家各自lo返行李之後'
個旅程就完了'
呢幾日係度掟幾廿萬出黎'
掟到我都驚'
多謝領隊Celia 導遊Ricky同攝影師Jimmy'
好好玩呀'
真係一個好好好好美好ge回憶'
一個白色聖誕節'
不過最遺憾也是跟你連繫不上'
真糟糕'
長到我都唔想再打落去了'
相會po上相簿'=)
day5
我與Jimmy'
