已經放左三日假...
但係我就好似過左三年咁...
日日都過住d十分枯燥既日子...
起身刷牙洗臉...打機...食飯...上網...打波...食飯...睇電視...
千篇一律~~
有邊個可以約下我...
做咩都得...做鴨就唔得...要俾錢~
我真係唔想日日留系屋企...
但係我又唔想係太陽之下「沐浴」
大家唔該幫幫手...
淨係6日假期都已經咁悶...
遲d果個暑假都唔知點過好...
而家又無咩camp可以報...
大家如果有咩暑期活動好介紹
不妨話我聽...
只要價錢許可...
我都一定會結伴參加...
小妹妹...你暑假有d咩攪???拉埋我去~~
我百無禁忌...而且超玩得...仲好大膽tim
下星期一秦朗就同俞心蕾表白lu~
唔知之後佢地兩個會點呢??
不過最重要既係...俞心蕾終於都無事...
唔洗俾人拉...但係奶奶就慘喇...
果筆保釋金就容lo~
佢問小陽個老豆借...
都唔知佢點還...
而且遲d好似話果個尚東返番黎
睇黎尚東同秦朗e場大戰一定好好睇...
不過點都好...希望秦朗同俞心蕾兩個有情人終成眷屬...
我亦都希望我地班d人可以有情人終成眷屬...
我系e度呼籲...如果已經有意中人既，請盡快向你既意中人表白...
都係果句...千祈唔好「愛得太遲」...
我昨日睇到俞心蕾俾人屈偷介指...
唉~其實隻介指系佢個locker度搵到
水洗都唔清喇...
何況...連安藤楓都唔信佢...
今次實俾人炒...
我真係估唔到條友妒嫉心蕾會妒嫉到成咁!!!
人地心蕾勁就係人都知...
佢自己唔夠料就收皮喇!!!
系度做埋晒d小動作...
查到知到係佢既話佢就仆街!!!
昨日睇預告睇到秦朗一拳打落安藤楓度
之後唔知點樣...
安藤楓問秦朗係唔係連佢自己都唔信心蕾
嘩!!!!!!!
我想今集一定超好睇...
好期待呀~~
妹妹仔...昨日你無睇到...今日你一定要睇
唔睇既話你一定會後悔...
今日係我最後一日考試呀
考中史、music同Eng. Oral
中史就無問題
佢果d long que 問得幾好...
因為佢問埋d我識既野...哈哈哈
只可惜係地圖題果 part 就差d...
同埋long que 「如果你要做官，你會做元朝定宋朝既官」果條...
我要稔好耐先答得到...
但係music就真係...一味撞
岩就固然好，但係唔岩既話我都無眼睇...
但係佢果度有一隻歌...好似「轉角遇到愛」果隻配樂...「朋友歌」
至於Eng. Oral...
我自己就覺得今次Eng. Oral好過上次
因為d拼音4個都有2個識...
最令我驚訝既係...
我竟然同Dicky一組
而其他兩個女仔俾我既感覺就係
俾兩個勁人夾住
好似一個系沙漠內迷路的人一樣
能夠找到一線生機既機會係微乎其微
系佢地既討論之中
我好好彩能夠搭到三句
今次，我的確用多左時間來溫書
由其是係history
我都用左差唔多一星期既時間
我真係好希望可以合格...
我既要求都唔係好高姐...我只係想合格...高一點兒就行了
geog都係...合格就無問題
你地唔好串我...
我自己真係覺得我自己今次既result會好過上學期一d
因為我今次maths、I.S.、英文、中史同PTH
識做既題目真係多左好多
而且中史同maths我都有聽過下書...
仲有我D friend幫我溫過下
只要今次考試有d進步
我都已經好開心
但係我而家最驚既係history
一來唔知佢出得深唔深
二來我唔熟d地圖
都係果句...唔通...考試真係我既天敵??
雖然話我今次都算係溫過下書
但唔知咩事...可能係心理質素影響...
我硬係覺得今次考試有d唔對路~
我e幾日雖然好好彩，大部分既考試都算應付到
但係就差唔多晚晚都失眠
再唔係就訓到半夜扎醒
之後就眼光光，等天光
到第二日就賴床，唔肯起身
有時連食早餐都無心機...
足之就攬到考時無晒d精神
一見到d卷就好似見到睡魔向我招手
忍唔住打喊路連眼水都出晒來
做完份卷就即刻要訓
但係e個情況自我升上中學就開始有
究竟係咩原因，連我自己都唔知道
或者，考試~真係我既天敵...
E幾日，
我都唔知點解
成個人都怪怪地
上堂係咁(上堂不一向都係咁)
打波係咁
連係屋企都係咁
成個人無晒心機
唔會係因為就快考試gwa
不過，咩都好，溫左書先算
星期二就考lu
唔知我今次可唔可以考到好d既成績呢
考得好，榮華富貴
考唔好，俾人打到變亞貴
二抉一
如果我今次脫離到全班尾十既話
應該都升到F.3
希望得喇
祈求天父做十分鐘好人喇
今日下午，
我去了博愛醫院覆診
去果時都無咩問題
但係，返黎果時...
我...
竟然搭錯車...
仲要係系博愛搭到朗屏總站先知道自己搭錯
但係d fd仲未放學...
好彩，咁岩有個師奶行過，咁岩佢又知點樣去西鐵朗屏站
於是我走埋去問佢
佢詳細咁話晒俾我聽
我要由西鐵朗屏站搭西鐵去Tuen mun站先返到黎
如果唔係...
我分分鐘要係朗屏過夜
講起都覺得自己好囉
但係...
今次既經歷...
都幾令我印象深刻
希望我之後唔會好似今次咁囉...
昨晚，我看了一齣戲，在tvb pearl做的叫「黑鷹15小時」。
內容講述美國攻打索馬里，但遭到當地民兵反抗，死傷慘重...
多輛直昇機給他們擊落了
士兵為了營救直昇機內的同伴，於是往事發地點搜救
沿途中，大量的民兵向他們進攻
使他們傷了不少同伴...
他們憑著深厚的默契，渡過所有的難關...
當士兵們一個一個的戰死、戰傷，真的十分感嘆...
我感嘆生命是多麼的脆弱、多麼的珍貴
但他們仍竭而不捨的完成任務
最後，他們終於都回到大本營
可是，有很多同伴都離他們而去...
前日，在P.E.課後，回到學校...
我仆街了，我所指的仆街，不是你們所想的。而是真的仆倒在學校...
當時，我想要盡快去吃飯，可惜，欲速則不達，我在社工室前跌倒
當時我真的十分痛。
幸好有鳳姐和蕭行的幫忙，我才可以到醫療室。
放學後，我回了家，跟媽媽說了我的情況，媽媽叫我到醫院驗查
結果，幸好只是撞傷了，並沒有傷到腰
這真是不幸中之大幸。
看來，我以後都要行路帶眼了...
