近排日日都訓唔著 訓唔夠一陣又醒番 好辛苦呀
近排成日諗番以前既記憶
回想到自己做過既錯事,好事 
由細到大 性格都係度變  又好變壞 再變好 再變壞 不斷重環
做左好多好後悔既事
永永遠遠都會記得 無法忘記 真係有d想del晒全部記憶
想好似打機咁 重頭再開始
覺得自己仲係有好多缺點  我係知自己有咩缺點 但係唔知點解無法改變
覺得我同我呀哥真係有我老豆既(唯)傳
開始明白我老豆係一個點樣既人
覺得自己好似我老豆既複製品
雖然唔係樣樣野都一樣 但係佢以前既興趣 會玩既野 我都鐘意玩 例如:鋤大dee,打下波,捉棋.............好多好多
無論做d咩事 都會比佢看破 玩咩都輸比人 覺得自己好無用
覺得我呀哥(唯)傳既野多過我 (優良既複裝品) 由於係優良既複裝品 根本cheap既複裝品係無法打得贏優良既複裝品
初頭都覺得自己有d似我老豆 但當我越唔想同佢做同一樣 但唔知點解好自然又會同佢做番同一樣野(唔知點講好 sorry)
唔知你地會唔會諗下自己有咩地方似你老豆老母既呢 我就成日都諗
以前我成日都覺得自己老豆好衰  成日管住我 但又比我呀哥做e樣做果樣
以前得一部電腦果時 我呀哥都成日霸住黎打 打到我呀媽發嬲果時
我呀媽就會叫我溫書做功課 罵我 打我  
開始明白度我呀爸 以前講過既野 以前當然聽唔明 e+就能慢慢體會得到
我覺得自己好似永遠係佢手上 逃唔出佢既魔掌
如果自己諗衰d我呀爸 我就會諗到
當我一出世果時 佢就跟本計定左條數
係我由細到大到都不斷想睇下我咩性格 對我做左好多野 好多唔同既事 好似對我好好 但佢根本係想睇下我係一個點樣既人
近排無線劇集台 又係度播緊 唐心風暴之家好月圓   其中一句係咁講 叫做 棒下出孝子
大家一睇就知點解啦 唔洗多講  我覺得e句講得好好 我更加明白到咩叫慈母多敗兒  唔知有冇打錯字呢
開始有d分唔清咩係好咩係壞 覺得人未必信得過 信得過既人就只係得自己
開始有d亂  唔知道我呀爸對我做既事係好定壞
我覺得自己既缺點就係太低估人地 高估自己  只係識驕傲 唔識謙虛 妒忌(唔知有冇打錯字) 同埋沖動 
最終做咩事都搞到自己一敗塗地
覺得自己太貪玩 成日激嬲某某人
由中三開始我就覺得d人開始變  根本唔係 原來係我自己變左
變得衰左 壞左 樂而忘返 真係玩到呀媽都唔認得
開始唔係幾聽人講 覺得自己既事就係岩晒 只係識得話人地做既事 但自己又做番同樣既事 真係自打咀巴
我前日發左個夢 唔知算好定唔好啦 夢見自己死左 原因就係因為我殺左人 比人捉到 最後自殺 當事應該係得廿幾歲到
最好野係我呀爸係我7,8歲果時就已經同我講過 就係我份人太過沖動 大過可能會殺左人 (同夢既事係一樣真係殺左人)
係9,10歲我個脾氣仲衰過呀冒 超唔玩得 係屋企都講粗口 郁手郁腳 
我最記得一次就係 我呀哥無啦啦搞我  我就同佢講 頂你老未呀
跟住我呀爸就走黎同我講 老未係拎黎用 唔係拎黎頂
我呀爸果時係無打我 只係同我係度講道理  係果日我開始改個習慣 習慣就係唔好咁沖動同埋講粗口
我用左幾年既時間係度改  改到e+ 沖動都無乜 當然都會有少少啦 但粗口就唔係用黎罵人 係用黎講笑
我打e篇野目的係諗住想同兩個人講
第一個係鄧穎川 因為我覺得佢做事有d沖動 見到佢e+咁 就諗番起以前既我 希望你都會好似我咁改番好
同埋佢我成日見到你比老師話果陣都係黑口黑面 好似係度發怨氣咁 所以先提醒下你 所以唔好怪我多事呀= ]
第二個係呀冒 我覺得你又係同以前既我一樣  都係果d啦 唔係幾玩得 沖動之類 一句唔埋兩句就爆粗 
不過你次次發嬲都好似係因為我玩你姐 如果我唔玩你 應該都無乜事既 希望你係a班識得好朋友啦= ] 都係果句唔好怪我多事