已經悶到唔知做咩好- - 無計啦- -又要晒d時間打打
有冇人覺得成日都好似好難同屋企人溝通??
一來 無話題
二來 好似無論做咩都好 都好似會比佢罵
食飯的時候就證明到第一件事
永遠食飯都好似各有各食 根本唔會有計傾
大家食飯果時目光只會去左電視機果度
雖然電視機無野好睇 但大家無話題 為左解悶
都唔知點解會不自覺on99咁望左部電視

唔知大家會唔會咁呢
對住朋友係一個樣 對住老豆老母又另一個樣
姐係fd面前就會講晒粗口呀大家有傾有講
但對住老豆老母 連野都唔會講多句 永遠一句起 二句止
就算明明講到一d 話題 但都係幾句就收皮

有時同屋企人嘈果時 
自己都會覺得係人地錯先
有冇諗過會唔會係自己錯先呢
就算自己無錯 人地怪錯了你 又可唔可以死忍 當係自己錯呢?
無錯 有時可能大家都會有誤會 都會有心情唔好既時候 都會想搵方法發洩
咁有冇人會肯做e個 肉把 呢??

我同家人相處之道 就係大家忍讓 其實都唔一定係父母既 不過相處得最耐 一定係父母姐
有時見到d人係fb講 自己父母係唔係痴線架之類既說話
唔知點解我會覺得佢好幼稚  因為我覺得其實大家都大過了
何必仲會為ed小事而嬲呢??而去係背口講人壞話呢
可能ed都係一d 發洩方法 希望打出黎 睇下人地會唔會有共鳴?
我都可以理解
但其實有時比人罵比人打的時候 係唔係一定要還拖架呢??
當你有能力得到鐘意既野係唔係一定要得到手??  有冇諗過唔要呢?
點解人永遠都咁執著? 無錯有時係需要認真對待 但當一d小事既時候係唔係應該要忍讓?
其實有時為左d小事 可唔可以自己食左隻死貓去呢?
其實係一樣好簡單既事黎 人人都可以做到 但點解要咁執著 連少少氣都無能忍受呢?
係我地既錯  還是 父母既錯??
如果要一筆一筆咁 我地反叛期 應該激嬲左父母唔知幾多次 咁有時佢發番我地脾氣都好正常啦
可能有d人會說  我冇試過激嬲過父母   咁試問你激嬲人
其實枉枉激嬲人都係唔覺意架啦 
所以別說人地成日激嬲你 搵你出氣
可能自己得罪左別人自己都唔知姐 
忍讓就是最好的解決方法 忍讓唔代表逃避 請各位以後三思
如以前得罪過大家 希望大家唔好介意
咁就晒左半個鐘有多 打qz真好 消磨時間一流
但有了fb既出現 qz都好似少左好多人打了
唔知係唔係真係少左啦  但我qz d人就真係少打左