今日晨咁早十點幾同俊就出發去左長洲影櫻花啦~~

已經係笫三次去長洲啦...對上嗰次應該係04年...

嗰次都仲係學生...而家都此情不再啦...或許只能回憶~

去到已經好多人喺度影啦...長短炮林林總總咩都有!!

而家多鬼左好多人用dslr...證明香港邊有窮人架!!~~

但今次d櫻花我又覺得無咩特別...又吾係特別靚...

之後就去左食海鮮...盛惠200個大洋...都幾好味~

今日約左好耐無見既拉登(舊同學)出黎食飯~其實我地住得好近...

但之前大家都要返工,所以都有年幾無見過面啦...

但佢呢排無做野...因為做野做到手指勞損左...

諗返其實個對天自己都算幾好...第一份工就做到而家(兩年半)!

整體上黎講亦都順風順水...無甚風雨,異常順利!!

所以我更要比其他人努力,爭取我想要既野!!~

今日去樓下新開間按摩店做腳底加全身按摩(正經的)~

點知就好似入左間黑店咁,不斷吹水...

咩氣功治療...咩國家級數...咩同馬局長按摩...

咩按摩睇病之類...D人又係度做媒咁~

而家D鋪頭咁經營都幾得得意...笑死人~

好在都按得我舒服~但下次都吾敢去啦...

今星期放大假~終於可以大抖一下~爽呀~

今日房署幫我地做左個全屋電線更新~

禁就用左我一日時間啦!!唉~又一日~

但睇到我老豆D插座,電線等等既<驚人>傑作被拆...

實在令人太感動啦!!因為屋企既安全終於得到保障~

夜晚老豆返來,見到佢D傑作被拆...竟然有D失落!

但為時已晚啦~~哈哈~~

昨晚同同事去左做腳底按摩同全身摩!!

真係好鬼痛!!個師父話我全身d筋都好硬!

按身真係痛足一個鐘...但按完舒服左勁多!

或者呢幾個月我既負面情緒太強啦...

身心都好累...要鬆一鬆先舒服~

今日放假.同左俊去左大埔海濱公園影按下相~

去都無咩好影,天氣又麻麻...係d雀好影d...

今日出左雙糧啦!!~~今年仲加左小小人工~~

唉...人愈大,亦愈吾知自己想點...愈迷網...

亦吾識分對與錯...或者從來只有觀點同角度!

亦明白<錢>既重要,<錢>會破壞人既感情...

似乎喺2008年...要確立我既方向啦..