今日可以話我既人生轉捩點.我阿宏離開新廟街.會轉去現在美容有限公司.

我會有新既1日同新既工作.我會盡量做好每1份工作

我唔會忘記係新廟街既同事.阿ANN.彪哥.阿威.阿林.阿華..阿輝,阿宜.阿思.兩位姐姐.1班技師.鴻業.

我阿宏好多謝你地既照顧.

今日又係返工日子= =

今日黎左個新女仔 好正呀^&^~

今日做左3個鍾大堂 = = 真係好q煩= =

今日放工同個客飲野.我同佢講好希望轉工.

佢話同我留意 正= = 可以轉返正行

今日係10月31日.我今日唔駛返工. 但係好似都係唔夠訓= ="

今日我訓醒之後.細程就上左黎我屋企.之後我搞掂D野之後就出左街.

係樓下等佢條女.之後我地就去食左D野.食完野我地就去打機.

<今日真係唔掂.比人挑機(比賽)竟然只有輸.原來唔夠訓係會令自己輸>

打左一陣機.我地就去左黃金.佢地叫我幫佢睇電話.最後竟然買左$13XX既電話....

我咪鬧佢地無知.買都買好D既電話.之後MTR去MK.我地就去左旺中.佢地搞電話搞左地個幾鐘.

我就好無聊咁樣等....之後我今日買左1條牛仔褲.3件衫.總共花左:$300

之後細程同佢條女各自各返屋企.我就去左我老母到.之後再返屋企.我訓到7:30就同我老豆老母食飯.

食食下.我就打比D朋友問佢地出唔出街.好多人都唔出.(搞咩呀= =今日萬聖節喎)之後我打比雲龍.我就出左青衣.

我地今日傾左好多野.我同雲龍有1年都冇咁傾過.真係好開心^^~ 傾到12點就返屋企嚕.聽日又係新既1日.

我祝各位朋友萬聖節快樂....

今日係領班第1日離開我地既日子.對我地工作上暫時冇影響.但係我覺得自己好似開始都冇心機再做落去....

不過阿進講得係好.我係賺錢姐 唔係鬥氣.我都覺得.如果唔係有8千蚊我都唔會做.

其實我有時太自我為中心.好似咩都係我最勁.其實一山還有一山高囉.

呢幾日.共實阿進陪左我好多時間.佢係我一世人最好既兩個兄弟其中一個.

另一個係細程.我只可以係個心度多謝呢兩位兄弟.唔係你地.其實我諗唔通咁多野.

包括感情.其實我鍾意阿宜都係一直係我一廂情願.我根本知道佢唔鍾意我.但係我就唔理人感受.

我都知自己好自私.所以我都係呢度同阿宜講鼙唔好意思.阻住你咁多時間.

我知我自己冇力量改變你既諗法.所以我會放棄.工作上既野我可以解決.感情都可以解決.

但係自己有D野.我要自己去接受.我好希望我同我D朋友既感情永遠都可以維持落去.

今日終於DAYOFF喇.終於有得休息.呢排公司有D野好煩.

不過學我朋友話.返工等放工好D.有D野太認真係好辛苦

今日同阿進去大家樂.之後去中銀搞D野.我就同佢去打左一陣機.

打到4點佢就接K字頭放學.我就再打左陣機就返屋企.

我諗今晚我唔會出街.點解!? 冇心機出囉.再問點解!?

因為冇錢冇女.哈哈.唔通出去又係見佢地兩個咁親熱咩.

聽日又要返工嚕.好.加油努力.賺多D錢

哈哈(苦笑)