Here is my name,
當你係香港果陣我成日都唔搵你唔緊你成日發你脾氣有事就搵你..呢幾年原來我慣左有事就搵你, 拎住個電話對住你喊..
雖然你唔係成日理我, 但感覺上總會有個人係我身邊..
到你去左美國, 我知道我唔可以一有事就搵你我竟然有唔開心..我覺得你離我好遠..
其實我真係好賤..你係香港果陣講到明話鐘意我我都唔理..到你有女朋友果陣我又唔開心..到你走都係臨走先話我知我又冇咩反應..到你真係走左我先知我需要你..
當我今晚發左癲同你講咁多野..聽完就算啦

小b,您打咁多,都係話我知,其實您心目中,一路都有我,係唔係呀?不過,您身邊已經有個好好架啦,又靚仔,對你又好,睇住您fb上既相,我覺得自己係多出黎架,唔通我只可以係你傷心既時候,先得到你既注意?都咁多年啦,我自己都經過唔少事,亦都大個左唔少,雖然呢個blog唔係您同我回憶,但我都想將您既野打埋係度,因為我既回憶都有您既位置,我其實無差你d咩架,我同您講過愛您都不下數十次,而今日,你打左呢段文字,對於我黎講,已經係唔錯既回報,我心目永遠都有位置留給您,您係知道架:)我見證您一次一次既拍拖,分手,拍拖,分手...我都無機會可以同您一齊,一切都係命運作弄,我每次當您失戀既時間,都會陪住您,其實我又算什麼...

睇完<<那些年,我們一起追的女孩>>,心入面百感交集,睇到呢個blog,阿秋係李小華,而您就係沈佳儀,但您問我果日,我無答邊個係我既沈佳儀,因為我唔想到最後係望住您同第二個人結婚,所以我先無答您先係我既沈佳儀,我真係十萬個不願意,您最後同我走唔同既路,當您話想答黎呢邊果陣,我叫您嫁比我,雖然您當我講笑,不過我已經大個了,您都承應架,唔通我自己鍾意邊個到依家都唔識分?每次睇到您同佢都合照,我個心有幾痛,點解我每次都比人搶走您,您會唔會返轉頭諗下我呀...真係只係朋友,咁簡單?

沒有結果的戀愛，只要開了花，顏色就是燦爛的。真的嗎?九把刀先生:)