今日出左 MK 行
o係南昌站試入西鐵綫閘機然後用轉閘機搭東涌綫再轉荃灣綫去旺角
想試吓會唔會扣多左錢，錢就冇扣多到∼
但發現原來o係西鐵綫閘機入閘後要一分鐘後先用到轉閘機過東涌綫o個邊
期間你拍卡係會冇反應，而o係呢個時候有個兩鐵合併大使走過黎招呼我
因為佢地實在太空閒，可以用部 notebook 黎玩新接龍∼
點知佢問得好詳細，然後畀我捉到佢錯處，反問番佢

落到旺角，原本想去"朱古力"換衫，可惜旺角果兩間已經換曬
之後就行朗豪，然後等佢地出現∼

佢地出現之後再行多次朗豪
去左"歐洲高高"到食 lunch，三十幾，不是太貴，味道不錯，值得推介∼

之後再行西洋菜街一帶，周圍行吓咁∼
成個旺角市中心差唔多行均咁濟，行到好攰∼
o係旺角某波衫舖，見到 Dennis，同佢一齊行左陣∼

然後阿雞又出左黎，同佢一齊行左好景ｄ槍舖同波鞋街∼
波鞋街好快就要拆 lu∼

之後再落左屯市間”朱古力”，都係冇∼
睇黎都係要將份聖誕禮物由一件衫變成兩條電話繩喇∼


最後搭番西鐵綫歸家結束今日行程∼