今朝一早就北上神州，去左羅湖同我阿爸果邊o既人飲茶∼
o係商業城到知道一間OK的，但平均等個幾鐘，
所以去到見到有間海鮮酒家走過黎 sell，加上我阿媽猶豫左一下
我就二話不說同佢講左聲，"唔好煩喇，就呢間啦”
去到都唔係太少人，飲左個幾鐘，越晏越多人，多人到有人等位∼
埋單計都要百二，最貴係茶錢，盛惠８蚊位∼

之後o係商業城行左陣之後送佢地上車走 lu∼
當中行入一間鞋舖o既時候，見到有 K 字頭o既波鞋，賣百五
當我地轉身走o既時候個價即刻跌左落七十，平一半有多，咁證明好極有限∼

之後我地就搭深圳地鐵去福田口岸過關∼
買飛o既時候用左一張梅到入膠紙貼住o既十蚊，神奇地佢照收，如果o係香港，肯定嘔番出黎唔收
從而諗到一個問題，咁樣咪好容易行使到假人仔？
深圳地鐵ｄ車票唔係一張票，而係同一個五蚊銀咁大o既膠幣∼
神奇o既地方個銀入閘o既時候唔係入o既，而係拍o既，同８仔用法無異∼
反而出閘o既時候先係入錢咁入黎回收番個幣∼

福田口岸大過羅湖口岸好多，但係人流係同面積成反比o既∼
好快咁過完關搭 B1 番黎 lu∼