今朝上左 orientation，成朝都係聽d 關於 喜達屋 同 喜來登
玩關於酒店設施o既遊戲時，由於有接觸有ｄ印象，命中率都幾高∼

之後等左半個鐘，酒店 o既 MD(董事總經理) 出現黎講野∼
(又攞多張卡片，有ｄ似收集閃卡o既感覺)
佢同我阿頭個阿頭 (即係 DOE) 都係斯里蘭卡人
所以個姓都係一樣咁難讀
唔信你自己試試
MD o既姓係 Arawwawela，DOE o既姓係 Wijayawardana
淨係睇串字已經抓曬頭∼

由於佢遲到遲走，所以遲左成大半個鐘先食飯∼
食飯當然唔係去番員工餐廳，而係去中菜廳－天寶閣 食
天寶閣 d 野食好出名吓
國泰有一段時間o既商務同頭等艙o既 menu 都係用天寶閣 menu的∼
呢餐真係又正又好食，但價錢應該係貴出面ｄ酒樓少少∼
最正係魚翅灌湯餃、燒味拼盤同楊枝甘露∼

下晝就開左個會之後做番ｄ無聊野∼